才高八斗
2007/06/26 09:57:01
網誌分類:
文化
點解話人地有料, 叫做才高八斗呢?(唔知?又係冇讀書啦o)呢個典故出自三國時代之曹子建, 即曹植, 亦即係洛水夢會, 果個生o
佢在政治上被大佬迫害(爭王位也)o佢大佬係边個?咪頂頂大名冧咗漢朝果位曹丕先生囉o(魏文帝)o
曹丕兄本身文才都十分了得, 中學時讀過佢一篇典論論文, 是文學評論之始祖o有料到!(未讀過?以前中文中學會考課程, 唸到我死死吓!而家仲記得, 小小o)……..文人相輕o自古已然…….
曹操, 曹丕, 曹植, 三父子, 在文壇上的地位, 比得上 宋朝文學家 蘇軾, 蘇洵和蘇轍, 三父子o有D似而家BLOG上, 超伯, KC 和 TT, (都係三件頭, 自稱天下無敵!)o
閒話表過, 原來曾經有人咁讚曹子建(植), 天下之才有一石, 而子建獨佔八斗o當時十斗為一石, 可見利害!(佔咗全天下的八十巴仙!勁啩!剩番二十巴仙俾其他人, 可見跨張!)
時至今日, 形容人才高八斗, 咪即係有料咁解囉, 就係源出於呢個典故嘞o明冇?
黃SIR文才就算冇八斗, 都起確值一斗啩?
(就係反斗嘞!)
三T獨得o六合彩一注獨中o一石全收!快活過神仙也!
何來八斗?
南北朝詩人謝靈運曾說:「天下才有一石,曹子建獨佔八斗,我得一斗,今天下共分一斗。」
原來是謝兄在此,失敬。