智勝諸葛

智勝諸葛, 梗係亮啦, 仲有第二個咩？通常D人認自已叻, 智力高, 一定話智勝諸葛亮, 先至醒ｏ

古往今來, 能夠未出芧蘆, 巳知三分天下ｏ能呼風喚雨﹝借東風﹞, 開創蜀國, 寫出前後出師表咁感人的文章, 真係天才也ｏ

所以自稱智勝諸葛的人, 一定係自信心爆棚的人, 以為自已天下無敵, 無人能及也ｏ

誰不知, 三國時代, 最叻的人, 在黄SIR眼中, 並不是諸葛先生噃ｏ你想想, 如果冇人三顧草蘆, 或者一顧, 再顧, 就不繼續揾佢, 佢咪一樣冇得發ｏ有伯樂先至有千里馬嘅ｏ

而家你知我話边個至叻啦, 就係果個成日揾人做老襯（馬仔）嘅劉備囉ｏ你睇佢不費吹灰之力, 就揾咗關公, 張飛两個好打之人做佢契細佬！佢識用義氣两字, 縛死呢两條友（唔駛俾人工添, 仲要倒貼！）！做到死為止, 好橋啩？

孔明先生咁精仔, 都一樣信到佢十足十, 初識時, 佢日夜同孔明論政, 有 如魚得水 呢句成語為証！

孔明一直在佢術中而不自覺, 一生為佢賣命！連佢死之前, 一樣被佢嘅權術縛死, 佢叫阿斗拜孔明為父, 吩咐孔明如果阿斗唔掂, 就自已做王（講吓之馬, 明知孔明又點會咁無良呢？）ｏ攪到孔明在大家之前講出,  鞠躬盡萃, 死而後已 的說話！永𣎴作反！好橋啩？（劉備之智, 係唔係高好多呀？）

所以我認為D自比智勝諸葛的人, 只是一般D打工仔心態, 不是做大事的人心態,ｏ

想幹大事業之人, 應自比 智勝劉備,  柴是！