現代武松（二）

有一種角子機, 我叫佢做財神機ｏ畫面上有個財神出現, 是百搭, 有五行畫案,其中頭三行出現三碇金, 就可以得自動免費轉動（SPIN）若干次, 得分得獎ｏ所得的分數又可博彩, 估紅黑, 中就賠两倍, 又可以估埋花（啤牌的花）, 都畿好玩ｏ

𣎴過就全靠運氣, 冇乜技術, 但我見現塲D角子塲老鼠（有D人專鬥在塲揾食,見你冇開積分card,  就好聲好氣叫你俾佢儲分, 等佢可以換食物及飲品, 亦有介紹你做會員, 佢有20元收入ｏ）見边部機旺, 就好多小動作, 例如在你背後閒言閒語, 又噴烟, 就想玩你架機ｏ（即長時間觀察, 係有D喂飽咗嘅, 係嬴面大D嘅ｏ）但有D黑仔, 一坐低, 旺变唔旺都有, 抵死！

我玩過畿架機, 冇得出, 擺番角子走, 原來裡面冇晒角子, 俾人嬴走晒, 要賭塲服務員加番一箱入去, （約二千元）ｏ啊！咁我又明嘞！以後我玩之前, 入二千元, CHECK吓佢夠唔夠角子至玩ｏ（係就煩D, 好過等人入滿做老鼠嘛, 揾食係好煩嫁！）但都係冇保證, 靠彩數ｏ

而這種機是連線設計, 大家一齊玩, 是連線設計, 買得大, 就嬴得快ｏ當日有個鬼婆坐我隔離, 還玩我剛剛玩完部機, 我係佢旁边玩, 佢買大我的注數一倍（不知是有心定無意！）居然俾佢中到開巷！吹漲了我！當我同佢玩斗注碼大, 我又黑仔, 輸了成千元！

死死氣, 四圍試機ｏ點知行近一架冇人玩的叫什麽運財飛龍, 按第一鋪五十條線,居然中番二万畿分（四千元！）哈哈！原來有運是不需咁多諗頭！好運就掂, （即係冇得瞓身！只能玩吓ｏ碰運氣吧了！）

仲有好多嬴錢經驗ｏ馬塲番泥至講！