現代武松(三)
2007/07/03 02:35:51
網誌分類:
嗜好
今次去了好幾處玩角子機, 在新麗华旁的摩卡角子機塲, 跟據澳鬥政府公佈的資料平均每部機每日平均收入為千七元而金沙則為近千九元, 即摩卡的派出率應較好o但此處是街鋪, 很多閒雜人等, 菲傭之類聚集揾食, 揾食的方法, 包括介紹人入會(每一人二十元), 儲分(代冇CARD之人儲玩機的分o)換香烟及食物, 玩有機會被人喂飽了的機!既然咁多閒人揾食, 不去也罷!
新葡京的機, 也不算新, 還是出角子, 不是出電腦提欵單, 我也從未曾從何生手中嬴過大錢!
反而星際(梁朝偉做宣傳那一所)今次我就中過四千元!佢地D機比較新, 用電腦飛收錢, 冇咗角子不足的煩事!(但又不能知有冇人喂飽?)
而巴比倫比較多游客(因在漁人碼頭, 少咗好多無聊閒人, 菲傭及公公, 婆婆之類)在此處玩最有渡假FEEL, 玩到悶可以在街道, 海边走走, 欣賞完海景再玩都得o有時好運, 也可以嬴D錢!
而法老王的角子塲, 因有跑馬機, 是我至愛o但最近佢D角子機較前緊了, 反而每日四時至九時, 每小時抽獎, 中咗賭塲送二百元賭本去玩, 人氣卻只一般而己o
今次玩角子機, 總的來說, 是運氣主宰一切, 但作為消閒活動, 是相當有趣的經驗!平均租機的費用約一百元一小時吧o
回應
(0)
我要發表