罷課？嚇鬼咩！

2012/07/30 16:25:20 網誌分類: 時事

30 Jul

六四果年, 華叔領導罷工, 罷市, 罷課！何其英明神武！何其大義凛然！

近日又有班乜水, 話要搞罷課喎！

連果個乜冇腦的陳乜姿, 也推莊, 你地班老師罷教就好啦！千祈咪鬼罷課！罷咗課, d小朋友冇學返, 班家長點算先！

講得两講, 不如只罷國民教育果科啦！

但國民教育只佔課程百分之二, 三！成個學期罷得一两堂, 咁有鬼力咩！

一係唔罷, 罷就要效發華叔咁, 領導全港人仕, 罷工, 罷市, 罷課！咁至有料到假馬！政府仲咁騰鷄莫明？

不過, 黃sir就睇死你班友仔, 玩到選舉完, 就會乖乖自動收兵！（因為放完暑假也！）

罷課？嚇鬼咩！

回應 (5)

我要發表

KC blog 主 2012/07/31 10:58:19 回覆

教協張文光吹水，話要家長，學生，教師，學校，全人類有共識至罷！即係唔駛罷！吹水料！嚇鬼新政府而己！罷課係好大劑事！點何以咁求其用？

2012/07/31 10:18:22 回覆

罷課？！點實行呀？

如果只係罷 "洗腦" 科，點會有力？況且有D學校(例如陳樞機舊底轄下D天主教學校)都話明新學年唔搞呢科，咁邊有得罷呀？

如果連中英數甚至所有科都罷埋，影響到仔女學業，就算老師學生同意，班師奶家長 (可能陳乜姿除外) 又會答應咩？(個位乜姿係邊度爆出黎架，點解個款好似可以號令天下，代表晒所有家長咁有把砲？)

又家陣教協同之鋒仔話罷，愛國愛港嘅教聯會聽你支笛咩？

咁多問題，睇黎罷課都係齋talk。相信過咗九月選舉後，會靜返落黎。

383383 2012/07/31 02:50:17 回覆

唔理乜理由，中小學生，相信都好想罷課……

放假喎。有乜唔好？最好日日都係暑假。

KC blog 主 2012/07/31 00:51:43 回覆

而家d活動搞手，冇以前咁易號召群眾！以往一話爭民主！人人爭住上！而家民主，又什麽人民力量，公民力量，新民力量！泛民力量，都分唔倒邊瓣堅，邊瓣流！遲早泥個真民主！真力量！咁至得！

禪一 2012/07/30 17:42:44 回覆

今天見到某本雜誌寫，國家不好，我就不愛。我頂，正式一個狗腿子想法。

當年的漢奸都是這種說詞。