現代武松(四)
2007/07/04 00:39:46
網誌分類:
嗜好
有隻角子機, 叫做JACKPOT PARTY, 先玩三個像爆蛋的圖案, 如果出現了, 就進入玩點數搏倍數, 即可得三四倍之類或以上的倍數, 再决定FREE SPIN幾多次, 通常都有十次八次, 而每次所得的分, 即乘上你得到的倍數o如果好彩, 可以中好多分o(我就試過一次中成千文, 即成五千分, 两毫子一分o)
而呢架機又有連線(冇連線就冇JACKPOT, 我都唔知點解有人會玩D冇連線嘅?我就一定唔會嘞!)架機會失驚無神(靠運氣和注碼大!)出一個叫 JACKPOT PARTY嘅圖案o
於是又進入另一畫面, 有二十五個禮盒, 有D有分, 有D有星, 攞到一粒星就得最細MNI JACKPOT, 两粒星又大D, 但不幸開出一個叫COLLECT 嘅, 就玩完!
呢個GAME 我就嬴過二千文(两毫子機!)玩細D, 可以玩一毫機, 但有二十五條線, 即两文半一局, 二百五文玩一百次, 一千文玩四百次, 成千文都玩成幾粒鐘啦!唔多唔少都會中吓中吓嘅, 中親D高分嘅圖案, 又出D輕快音樂, 真係幾頂癮嫁!
有D小丑機, 又會出 HYPERLINK公仔, 一個吹波仔畫面, 吹到三個波在一柱體中, 就中果個獎, 我就見過有人中幾千文嘞!(就係我太太嘞!)
總之小注怡情, 不失控, 不作病態賭搏, 玩吓!無傷也!
回應
(0)
我要發表