一失足成千古恨

一失足成千古恨, 回頭巳是百年身ｏ

人生無常, 所謂福兮禍所倚, 禍兮福所伏ｏ是以齊桓奔莒, 終為盟主ｏ晉文出亡,後終稱霸ｏ是以天之降大任於斯人也, 必先勞其筋骨, 餓其體膚, 行弗亂其所為, 所以動心忍性, 欲成大業之前奏矣！

亦有謂, 禍福無常, 由人自招, 不以物喜, 𣎴以已悲, 平常心是道也ｏ

又有所謂, 黃腫腳, 不消提也ｏ

可能睇咗咁耐, 你都唔明黃SIR搞乜鬼, 其實事緣今日下午在沙田商場, 老眼昏花, 差錯腳, 失足扭親了腳踝, 唉！現在手撫黃腫腳, 心諗, 明天能否去深圳操曲呢？

想當年小弟年青時, 踢波絞柴, 一樣紥住出場, 但如今亷頗老矣！尚能飯否？（又唔識呢個典故哩？又等我吹啦！）

趙國被秦國攻擊, 要老將廉頗（時年八十以上）掛帥, 但派去的使者同佢唔妥,同皇帝講, 廉將軍見我到, 表演射數十石之弓, 舉大刀舞動, 勇猛如昔ｏ但可惜的是, 腸胃唔好, 胃內有沙鬥氏螺旋菌, 一餐飯都未食完, 己經去咗畿次廁所矣！唉！

皇帝見佢咁就梗係唔用佢啦, 結果用咗趙括, 被人打到落花流水, 被秦將白起坑殺四十万趙降卒就是此役了！明冇！

講講吓, 又冇咁痛了, 試吓熱療法至得！（用燈照！）