蠢主持
2012/08/23 17:59:05
網誌分類:
時事
睇吓呢班候選人的論點
今次立法會選舉是選三十五個直選議員去立法和監察政府ｏ
且看這班候選人辯論時的論點:
有人話: 你背後中联辦做咗乜？你親中！你建制派！你呃人！你保皇！
（大佬！咁最多係叫人咪鬼選對手, 但並不代表要選你噃
有人話: 你講大話！你識唔識寫個醜字！你無恥！你冇立塲！你地有參加功能組別！（大佬！咁最多又係叫人咪鬼選對手, 但並不代表要選你噃！）
有人話: 你呃錢！你下流！你冇做嘢！你無能！
（大佬！咁最多又係叫人咪鬼選對手, 但並不代表要選你噃！）
有人話; 你冇開會, 次次一分鐘就俾人趕出塲！淨係識叫口號！
（大佬！咁最多又係叫人咪鬼選對手, 但並不代表要選你噃！）
呢班友已經忘記咗, 叫人投票俾自已, 至係上電視的目的ｏ
你地係度惡形惡相, 掛住罵人, 人地以為你剩係識媽义人！咁點解要選你至得吖？
斗咀嬴咗, 又有鬼用咩, 叫人投票俾自已, 至係目的嘛！
呢班友, 人人利令智昏（咁深嘅成語, 呢班友一定唔明矣！）
整整吓, 全忘記了, 選倒入立法局, 先至叫做嬴也！
真係俾呢班騎呢怪激死也！
反而白姐姐, 亞視個蠢主持問佢: 七人中, 邊两個會選唔倒？
白姐姐話: 呢個可以肯定話俾你聽！咪最少票果两個囉！
主持人吹漲！黃sir 大樂！
班友從來唔講, 點解選民要選佢？
平反六四？
李旺陽？
保釣？
人人都識吹啦！點解一定要係閣下至得假！
俾班友吹漲！
哈哈，黃 sir 你就諗唔到啦。
選垃圾會唔同選特首，唔使話要得過半數選票先當選得既，總之有一票果個就贏得零票果個。佢地班友諗來諗去都無咩好野講得出口叫人選佢，之不過衰野就大鬼把，甘不如斗數臭囉。好似潑婦罵街甘總之數到對方臭過自己，無人投票俾對方自己就當贏架啦。到時就算一票當選都可以大大聲話係民意代表。
今回鵝頸橋底打小人個班三姑六婆就後悔死咯，佢地甘專業如果參選就贏硬啦。