千金難買心頭好

看見MARY姐又有得出SHOW的樣子, 真係（鄧）佢開心, 因為千金難買心頭好也ｏ君不見, 最近蘋果賣IPHONE, 排晒長龍ｏ台灣賣各牌手袋, 一樣爭崩頭ｏ香港賣訪港外隊足球波飛, 一樣爭到痴線ｏ又係個句, 千金難買心頭好也ｏ

做人有時真係要對自已好D, 因為人生苦短！所謂蘇州過後冇艇搭！你睇吓梁山伯, 遲來三日, 激到嘔血！能夠及時行樂, 亦要配合天時, 地利, 人和, 先至得嫁ｏ

有所謂富貴不還鄉, 有如錦衣夜行！即係話有料唔攞出泥演吓嘢, 就好似着咗件靚衫, 夜孖孖行街一樣ｏ（即係話, 嘥唔嘥D也！）

所以凡學戲, 學唱嘢, 學演藝的人, 都有演出的慾望ｏ你睇吓我班覩師妹, 又唱,又做, 又出SHOW, 就係咁嘅心態嘞！

其實你以為想做就可以做咩？例如鍾意跳舞, 扭親隻腳, 家人反對, 學極都唔識ｏ就徒呼荷荷啦！想唱歌, 點知把声好似隻鵝公咁, 個樣似足慕蓮姐（余小姐！）, 咁出SHOW都冇人睇啦！（但都有人照去！可見吸引！）

你睇林家声先生今年九月都返香港同吳君丽小姐ｏ陳好逑小姐演出啦！真係有一口氣在, 都要台上見也！

演藝吸引人之處！就是如此！