人生得意須盡歡

此乃李白兄之名句也, 人生能盡歡的日子, 真少ｏ

少年有少年愁ｏ

中年有中年愁ｏ

老年又有老年愁ｏ

看看小甜甜, 死鬼佐都留低好多手尾跟, 真係唔得佢死也ｏ

連范仲淹先生都慨歎, 做人, 然則何時而樂？

佢老哥就拋出, 先天下之憂而憂, 後天下之樂而樂, 作為準則ｏ

但我等凡夫俗子, 边有為國為民之壯志吖, 真係 得歡懷處就且歡懷！得快樂時就應快樂ｏ趙是！

唱好一首歌, 跳好一隻舞ｏ能享受歌舞之樂, 都是難能可貴之事ｏ唱歌雖然有声就得, 但要唱得好都要下一番苦功也！至於跳舞更加難度高, 又要好記性, 又要識音樂, 又要拍子準！要玩都唔係咁易嫁！

至於李白兄的盡歡, 就係飲酒, 佢話莫使金罇空對月ｏ咁話！

又話 天生我才必有用, 千金散盡還復來！

就係呢幾句嘢, 影響了好多人對錢, 對自己, 對吃喝玩樂的態度ｏ

黃SIR而家摸住隻痛腳, 心想, 好番就可以玩餐飽矣！