隔行如隔山

想當年, 老父用医人的方法去医狗, 隻狗一命嗚呼！俾我地笑到面黄！

誰料今日小弟扭親, 自以為是, 尚去跳舞, 唱歌ｏ雖然冇骨折, 冇骨裂, 又冇斷了韌帶, 但微絲血管爆裂, 隻腳充了瘀血ｏ医生吩咐不得四圍去, 要將隻腳抬起, 讓D瘀血倒流, 隻腳才會唔腫, 唔腫才可以着鞋去跳舞！

同小弟睇波時的景象, 完全两樣, 通常D球員絞柴, 只要噴D鎮痛劑, 紥住又踢得ｏ返到休息室, 將隻腳用冰敷吓, 又上塲去搏殺！小弟不過小小扭一扭, 居然腫到似豬蹄, 仲四圍行, （因為腫咗所以唔覺得痛也, 冇知覺！）真係唔識個死字點寫ｏ

奉勸世人, 有事一定要揾医生（而且要唔係黃綠至得！）, 而且要第一時間（病向淺中医也！）好彩今次都不過坐吓監, 等散瘀而已, 如果自已亂搞一通, 相信下半生都要坐輪椅了！

看看黃腫腳, 成條深海大石班咁ｏ唉！

（點解？哈！好瘀（魚）也）