開心的事

今日無無聊聊, 正在屋企獨自散瘀的時候, 突然閒浮出了一個念頭, 寫些什麼東西上BLOG, 才可以令大家開心吓呢？

通常要令人開心, 多數就是扮小醜, 講笑話, 古人有綵衣娛親之說, 即穿上馬騮衣, 搞笑令父母開心ｏ

但今日看電視, 小學生派位, 見到D家長得嘗素願, 笑到見牙唔見眼, 似乎又不必綵衣都可以娛親噃！自已也試過這種開心法, 當年小女小一派位, 派了藍塘道的瑪利曼 （當年是第一年由瑪利諾改名為瑪利曼, D家長都未知係正嘢, 唔識揀, 就俾我地第一志願搞掂了ｏ）都非常十分之快樂！

作為子女, 要令父母快樂, 其實只需要讀好書, 做人有紋有路, 就可以做到ｏ所謂 大孝尊親, 國人皆稱願焉, 善哉！有子如此！咁就得嘞！

曹孟德有言, 生子當如孫仲謀！（當曹操同孫權對陣時, 就被他的氣勢所動ｏ不期然講出此話！）

寫到呢度, 似乎都未諗倒點至令大家開心, 唉！似乎用文字都好難矣！不知唱幾句唔知得唔得呢？

不過, 諗諗吓, 似乎D靚師妹見我練習牛仔舞, 踩死由曱的樣子, 好似好開心渦ｏ不如……..跳俾你睇喱？（唉！可惜隻腳又唔爭氣！）