期指賭局（１）
陸羽仁經常以期指來談論大市，皆因期指是大戶炒作股市的主戰場。透過期指交易，可以看到大戶的手影，他們就如股市的神一樣，造好大市時，陽光普照，萬物欣欣向榮，百毒不侵，好像早兩日美股大跌，日圓急升，港股跌一跌又立即大反彈；但大戶要造淡大市時，股市就陰霾密佈，就如沙漠一樣，寸草不生。你千萬不要以為只炒本地莊家股，可以不看大市，其實莊家也是睇住大市做人，市況好時，造高股價事半功倍，市況差時，花大資本也頂不高股價，所以莊家也是跟大市做人，在市底好時才會順勢而炒。
如今透過期指交易觀察大市，比以住難得多，這裏要講講一個歷史。經過１９９８年金融風暴後，改革期指市場，期指由過去人手交易，在２０００年開始變成電子交易，按道理電子交易更現代化，更有效率，而理論上政府經過金融風暴之後，明白了外資大戶經常操控期指市場，不應該做出有利外資的遊戲規則，但不知怎地，期指變成電子交易後，交易方法現代化之後，對大戶更有利，令他們更容易隱藏自己的交易身份。
以前期指是用人手交易，方法是各間經紀行在美銀中心的舊期交所交易大堂派出市代表，用人手喊價，如經紀行甲接到客戶期指買盤，想揸１００張期指，買入價２２８５０點，經紀行甲的期交所出市代表就在交易大堂，喊出叫價指數的最後兩個字，即大喊「５０！」，想沽期指的對手就會應價，例如經紀行乙的客戶想沽１０張２２８５０點的期指，它的出市代表就會講「５０，１０張」，那時就有１０張期指成交。當經紀行甲揸夠１００張期指後，他就停口不叫價。
就種交易手法極為傳統，但那間經紀行買、那間經紀行賣，一目了然，那時稍有規模的經紀行都派專人在期交所，把期指的成交情況現場向自己經紀行報告，經紀行多數會在公司內部廣播出來，讓每一個經紀和在場的大客戶不斷聽到期指的成交情況，知道那間經紀行買，那間行沽。
既然交易情況如此透明，外資大行要做大單嘢時，例如自己要重手揸期指，當然不能全部由自己經紀行的出市代表去做，所以有時亦會把買賣盤射俾本地經紀行，列如要買１００００張期指，就會拆成１０間本地行每間幫佢買１０００張，這樣一來，雖然表面可以隱藏身份，但知道外資大行動作的人也不少，造就搵食機會。那時幾間活躍期指市場的華資行盤房經紀，放工行埋一齊，把幾間行的情報夾一夾，就夾出大戶的動向情報，例如個個都收到某美資大行揸期指的盤，夾吓料就知道美資大行揸重期指，強烈睇好，他們跟住美資大行買期指的方向去炒，無住而不利。所以當時亦有一班經紀咁樣炒期指發達，唔係佢地叻，係佢地間接收到外資大行的動向。雖說外資大行落的盤，不知最終客戶是誰，但市場老手懷疑，幾間活躍期指市場的美資大行，根本不是代客成交，他們大手買賣期指，就是外資大行本身的坐盤交易。
２０００年期指交易電子化，本來正常不過，亦令交易更有效率，很難想像現時每日幾萬張期指成交，還可以用過去人手喊價這種方式完成。不過期指交易電子化後，同時不顯示買賣雙方的身份，這和現時股票電子化交易的方式不同，因為股票電子交易還可以看到買賣雙方的經紀，期指電子交易不顯示買賣者身份的做法，顯然是外資大行的要求，當時華資行也反對，但結果當然是鬼佬把聲大，最後接受了外資行的建議，電子交易不再顯示買賣雙方身份，這樣一來，外資行要重手落盤時，也不再需要假手於人，可以直接在電子交易平台上進行。我早前講過本地經紀行期指盤房中人的夾料生涯，亦到此為此，無得再靠追踪外資大行的期指交易搵食。
講咗咁耐故仔，除咗想大家知道歷史之外，係想說明外資大戶買賣期指的
行動，早已證明可以左右大市。所以我地猜度外資大戶的期指倉位，即使只係靠估，都絕對係判斷大市走向的重要因素。
現時見到大市升跌時，好多人會以基本因素來作解釋，若果這些評論人員對大戶的操作全無了解，你真係信佢一成都死。叫你講你都識講，見到個市跌時，可以話受美國跌市、日圓走勢影響，見到個市回升時，又話美股大反彈，這些影響己經消化，總之阿媽就係女人啦。
陸羽仁
thanks for sharing
陸羽仁覆網友
由於回應太多，我只能選擇性回應，若遺漏了你們可以翻貼再問。新書出街，叫「鱷口偷金」，都想貼近現時股市的狀況。書中第一章有１０篇８篇文和結論係新作，其餘文章是輯錄網誌，你們應已看過，考慮買書時請留意。
金曹：你話「好在陸Sir開blog，俾大家有地方問功課，調整投資策略。其實做綿羊真係好幸福，趁平買好股收埋收埋，平常心便可以到達幸褔的彼岸。做老鼠日日要同大鱷爭食肉，壓力好大，唔係個個散戶承受得住。」
我以前都講過，股民愛做老鼠，因為老鼠的食物看起來十分好食，一隻股一日升幾成，話明內有老鼠藥，都忍唔住去食。
SJ:你話我同金曹兄對晨訊２０００的看法不同，其實都無太大唔同，只是一杯水是半空還是半滿的問題，我話佢「半空」，你知我為人保守，金曹算是穩陣派，我算是保守派，所以我講股以講衰嘢為主，在正常市況，晨訊大股東咁沽股，可以話係９成９係壞消息，但在這種狂炒市，當然不能排除有三幾成機會有後著，這種市況只要有人炒，什麼股也可以升，若晨訊貨源落入炒作者手中，當然會有睇頭。由於有無人炒不能預沽，我只會睇供一個大路的睇淡答案。
Ray:從大摩接貨者會否為晨訊做莊，真係無得估，不過投資買基本因素，投機看走勢，大股東沽貨影響對基本因素的好評，只能以炒作價值論之，看看值博率行事。
至於估大戶期指倉位，主要不是聽消息，而是觀察散戶的心態和盤路，就是大戶盤路的相反倒影，再看期指的走勢去印證。
Pault:大市炒上，匯豐和中移動這種權重股，只會跟著大勢起舞，匯豐未升，大市似乎仲唔係太危險。
Yuki:我講２３０００點的目標，經已到站，往後只是炒作指標，再看下一個大位係２４０００點，記住這是炒作指標，不宜作投資指引，關鍵要留意風險。
油價上位應在８０美元，或俾盡的去到８５元，有人睇１００元，我唔信咁誇，如果去到咁股市都大鑊，所以應是一個主要在６０至８０美元浮沉格局。
大市炒上高位牛皮後，細股應會再炒一轉。
阿K:炒股拆細有基本模式，即炒高拆細，你講嗰隻跌了再拆細，動機存疑，不過拆細又好，送股又好，主要有令人對股價混淆的作用，你都搞唔清佢值幾多錢，佢大幅拆細向上炒或向下炒都得。
Hs:星島投資王的陸羽仁文章，主要是網誌文章再刊登。
天朗氣清：你的中國生物製藥１１７７去年在１．７８元入貨，而家近家鄉，可以睇睇，定番入貨價低一成即１．６元為止蝕，若現價再升一成以上，就定番入價１．７８元為止蝕，一路把止賺位往上推。
平凡投資者：莊家做嘢方式，我的新書會有涉獵。
三心兩意：你問公司盈利增長一倍，市盈率值幾多，要先問這一倍增長怎來，可否持續，若是資產重估，或特殊收益而來，就唔值咁多。如果一個公司透過增加市場份額，從核心生意令盈利增長一倍，又不是因為行業週期所導致（能源股恐怕只會歸類行業週期，不會有太高pe。市場又估計佢住後可以持續高增長，就值好高pe，４０倍、５０倍都得。
S2000:盛高置地不貴，但唔知有無人炒。
Stephen:標智滬深３００ETF，應會跟大陸大市，若你覺得大陸市回吐到差唔多，或有短炒價值。
Benny等：你們有本想長揸的好股，高位想沽，要先問入貨價是否便宜，若入貨價不便宜，高位分段沽吓、或推高止賺位沽吓都無壞。hs: Thank you. 等我又去借來睇下.
May: Before, when some blogmate ask the name of China fund brother Kam bought, he said he did not like to do advertisment for the fund. But he give us a suggestion: 4 to 5 star in morningstar record is good for long term investment and 月供. 亞k
陸Sir，早晨：
我和Benny都有類似問題，就是在估計熊市或大調整將至前，長線投資的股票和基金，是否都要先套現離場(或至少套現一部分)，待低位才買回。股市現已至歷史高位，希望你能作出指示。謝謝。
香港 (XFN-ASIA) - 香港建設(190.HK)今早9:30起停牌, 待發股價敏感涉及認購公司新股的公布。 該股停牌前報2.92港元。 ql/ec AFN
咩係認購公司新股??
Luk sir
恭喜! 恭喜! Lui sir 有新書上市, "鱷口偷金", 不果現在要用換購。 書展時, 應該會做展銷。
之前有網友, 提議講多D, 關於莊家, 做野模式, 我都想知多D. 是否都係, 收貨或者同大股批股給他們, 然後突然大成交, 再出好消息例如注資或轉型等, 緊住炒上加派貨?
亞K姐,
RULE 1,中文版,
公共圖書館
學會巴菲特投資第一定律
金师兄,
may I know what 中國基金 you bought and why?
thank you!
陸sir, 大家早晨,
香港建設(0190)今早停牌,將公布認購新股事宜。
香港建設停牌前報2.92元。
luk sir
you firday episode was excellent taking about the big bosses playing all people a fool by buy and sell Furutres index.
so we dont need to mind 941 why shooting so high and why H5 being pressed down so low. it is only index futures effect. nothing concern h5 Hong kong bank being collapsed or H941 being found double or treble Ebita increase or what
all in one word--- Index future control hkg (or even world) stock markets
pault
luk sir
you firday episode was excellent taking about the big bosses playing all people a fool by buy and sell Furutres index.
so we dont need to mind 941 why shooting so high and why H5 being pressed down so low. it is only index futures effect. nothing concern h5 Hong kong bank being collapsed or H941 being found double or treble Ebita increase or what
all in one word--- Index future control hkg (or even world) stock markets
pault
陸sir,
可以的話, 可否抽空解釋 8079變靚d拆細之迷. 我苦惱了幾天啦.雖則預左止蝕,但都想明. 萬分謝謝.
之前你在〔本地陷阱：拆細〕說
但雞股拆細也是同義變奏。一隻炒股升了一倍，散戶可能想走了，公司一拆二，股價好像又變回原狀，大家高興高興又去炒。而且這些股份話明是炒股，自然有莊家維持秩序，一拆細，莊家立刻推上，拆細就是一個炒作過程。很多炒股就是在拆細過程變得巨大。
大升股拆細,我明,是想俾人股份又好像便宜了，通常大股拆細，都會吸引一輪炒作。
問題:
1. 大前提是8079是一直跌, 唔係升了1倍,而是由高位0.7跌了1倍. 為何要拆細同派紅股?
2. 明顯8079是隻炒股, 但我真的很不明白,為何莊家不借有消息出, 借拆細炒上 (雖然這消息仲未知利淡定利好), 而要高開低收? 這樣不是吸引不到人去買嗎?
3.照計,由高位回落一倍,要走,要止蝕的應走得7788, 只有小數人,如我,博反彈, 高開低收, 個莊都唔係好多肉食.
stephen,
很感謝你如此詳細寫出了林森池先生講座內容, 也證明你是相當認真聽講的。
陸SIR,
你的頭條專欄和星島日報星期一的投資王周刊專欄,內容是不同/相同 ?
謝謝
Luk Sir:
You have set the HSI target as 23,000. Now, it has broken through it. What is your next target for HIS and HHI?
You said the oil price is 大型上落市, what is the upper bound you expect?
晨訊科技(2000.HK)遭控股股東王祖同及其控制的公司大手減持﹐折讓套現. The placing does not occur after frying up the stock price but at a relatively low price compared with its yearly high of $4.05 last year. Does its mean even 控股股東 do not look it good in the future?
Do you see the small-priced stock will be hit again, seeing now they are transversely moving so that the bubble is not yet burst? I see that those index stocks are frying up so beautifully. Speculators would prefer buying warrant to small-priced stock. Currently, only some small-priced stock can be fried up due to some special concepts. Besides, how do you compare the risk of buying warrant and small-priced stock when both of them have their own manipulators?
陸老師早晨，
請問如果一間公司今天預測盈利會增長一倍，市場通常最多接受幾多的P/E呢?
會不會因行業是有別呢? 那麼金鎘股份、資源股份及電力、煤氣類股份是多少呢?
謝謝
三心兩意
＝＞ 玄機：16 - 20 July 2007 ｕｐ ｄａｔｅd
＝＞ 捐款助讀 ＜培苗行動＞ （有興趣的，２者都可按入去看）
另，陸老師新書《股俠創富II 鱷口偷金》 ”問答遊戲”：
http://www.hkheadline.com/news/prom/drluk_booklet/index.asp
金曹大哥,亞K姐姐:
你地MPF都好勁呀,我就只有每年8%增長咋,
因為早幾年乜都唔識放左餉保本度幾年.
想請教兩位,長線來看,係咪要趁中港股市爆破前轉往保本,
跌定之後再在低價轉番去中國股市基金或其他進取基金呢?
我公司用AIA,而我揀選一半比重餉大中華基金.
請給小弟明燈.
謝謝
s.j.
陸sir;
現價入337盛高置地可行嗎?
嫣嫣：指調整換餘本貨，是指反彈沽出？
亞k:大家齊齊用諗力推高變靚d，星期一變靚d高升,yeah~
Luk Sir:
I have been studying a "標智滬深300" ETF and kept in my watching list.
What do you think?
I would be grateful,if you could give me your advice.
Thanks.
1:有注入賭場概念
2:於內地發展股票業務
3:股票現價與其資產有折讓
4:很多其他股票已經炒上,但它仍未
我相信很多買了結好(64)的朋友都是基於以上的原因才買入,所以我們如果選擇繼續持有唯有信任它的管理層(雖然好像pk一點),但正所謂用人不疑,疑人不用.我們都是安心等待吧.
但如果我以上列出的各點買入原因都付諸實行,但股價都仍然一沈不振,我會對它非常失望,永遠與結好一刀兩斷.
從這裹，我有點啟發:
美國星期四的大升並不是因為消費數字，(如果係，星期五晚應趺)而係因為日本公佈唔加息，d人carry trade信心多左，再玩大d。美國市升幅相對細，美元跌得又多，所以美股同美元資產短期看好，dow短期目標係14000，應不難達到。
港股有d分別，因短線相對超買(保力加頂並上破)，中國國策未明，大戶有機會計一計數。所以會好淡爭持。長線看好，但短期要消化一下。5和期指未平倉合約係大戶開唔開車的indicator。
fundman 2007/7/15 上午 11:55:33
『結好昨公布三月底止年度純利1.8億元,大增近2倍,每股盈利15.87仙,末期息1.8仙。(已付，中期股息－每股1.6港仙)』
結好控股(0064),每股盈利15.87仙(2006年每股盈利9.99港仙),增長58.8%。
以現價0.85元計:
P.E.=0.85/0.1587=5.356倍
PEG=5.356/58.8=0.091
息率=(1.6+1.8)/85*100=4厘
P/B=0.85/1.252=0.679
預期今年上半年盈利可較去年同期高出數成(即明年保持高增長機會很大),業績由德勤‧關黃陳方會計師審計,水份不多(投資物業公平值增加只有60萬元)。
股價比2004年的歷史最底位0.5元,只高出7成,自2005年頭濠賭泡沫5元回落後，可以話根本未正式炒過。近期成交量一直維持高位,而已發行的CB紛紛放棄定息兌換成股份。最離奇是4月16日鍾貴以當日溢價3成8(每股1元兌換2.5億股)而放棄定息5厘的CB,成為第二大股東。
想問陸Sir及各位師兄,以7.5倍P.E.計,把目標價定在1.2元，會不會太進取？
金曹兄：
謝謝﹗晚安﹗
想問吓各位,如果手上有部份好股係買黎長線擺,有冇曾幾何時會咁樣諗:
雖然原本打算係長線,但因爲已經黎到所謂牛市三期既階段,不如等到股市大調整/股災前(雖然好難估,但我諗有陸sir,金曹兄,貓兄,重有其他師兄師姐既分析應該不難避開,例如陸sir所講既雙頂不破,高位牛皮等情況),先行高沽套現,再等到跌到殘哂o個陣撈番D好股,咁樣依然係長線既變奏
當然,呢個係好完美既幻想,EQ少D都做唔到,唔知各位點睇?
阿不子，平保$55樓上真係好貴，買唔落手。我太理性，所以唯有買中國基金、因己好難說服自己高追國壽、招銀等股價偏貴的股票。
夜喇，Good Night Night.
少帥, k姐,
我想全部轉做大中華係因為睇好大陸發展前境, 所以想試試, 不過你地都講得好啱, 我會諗諗佢先.
Mars,
hk bank 唔知點解無"中國基金", 定係我公司無take呢?我本來諗法同你一樣, d錢好似好搖遠, 所以無咁心痛, 但係k姐佢地又有佢道理, 所以都要研究清楚.
thanks a million to u guys
羊咩
我估這隻恒指基金是ETF,咁成績也應該不錯吧...由06年開始到現在,恒指升了也有30-40%, 你基金的回報也是30%左右. 轉做亞洲股票基金要睇下佢既組合包含了那幾個國家,如半年KOREA 升30%, Singapore, indonesia, malaysia,philipines 那些都有20%以上回報. 大多都好過恒指.但下半年會唔會港股威返,咁就難講.老土個句,基金的過去回報祗可以參考,不是保證.
但我本人意見就會轉做中國股票基金,一於跟红頂白.横竪mfp都是拿不出來用,祗可以不停滾存,就摶佢中國繼續發展20-30年,咁我退休是就安樂晒.... :)
MARS, K姐,
而家的公司用HSBC, 由06年開始到而家供咗約3萬幾, 到而家有4萬幾, 即1萬左右回報, 是選用"恆指基金"的, 你覺得咁既回報如何? 要唔要轉做"亞洲股票基金"呢?
羊咩
金曹兄：
謝謝你公開自己的組合
我明早打算追入平保#2318，你覺得平保如何？請問現在是否入貨時機？
金曹兄：連日來歸納各網友对2000的意見,真有點眾人皆醉,我獨醒, “因大股東透過摩根士丹利配售1億股舊股” 其實,大摩都不是儍仔去接貨.
Kevin、阿不子，恆指衝上兩萬一千點後，我控制風險的方法有三個：
1，保留約三個月人工的現金，不會全部投資股票，不沾手窩輪。
2，獲利已深而預計升幅有限的會沽出，換入匯豐、中國基金長抓十年。
3，中線組合嚴守止蝕，股市真的大跌觸及止蝕位沽出不手軟。
http://www.editgrid.com/user/jincao/MIDTERM
金曹
原來重有個企業稅率既改變，你唔講真係唔知，唔該晒
另外你講礦業的公司會有壓力，而家有 D 驚驚地，因為我手上有中鋁，江西銅同埋洛鉬。
少帥
想請問大家, 知道 #8143 華夏醫療集團有限公司 嗎?
【明報專訊】 3G概念股晨訊科技(2000)，因大股東透過摩根士丹利配售1億股舊股，股價昨日急挫近一成。雖然該公司的合作伙伴LG，在TD-SCDMA手機的測試中似乎取得不俗的成績，但參考晨訊競爭對手的第1季業績，該公司上半年的盈利表現頗有可能令人失望，所以在業績公布前，不宜貿然撈底。
伙LG研發3G手機前景佳
由於內地TD-SCDMA試驗網的建設將於10月完成，屆時將可以開始試用，投資者自然會留意TD手機市場的前景。拓墣產業研究所日前預測，明年在北京奧運、TD服務商用化、中國換機潮等因素帶動下，TD手機市場規模可達到1600萬部。保守假設每部手機售1000元人民幣，就已經是一個160億元人民幣的市場，所以相關公司當然會嚴陣以待。當然，實際情况可能視乎建網規模而定，但縱使打個五折，仍意味着一個高達80億元人民幣的市場空間。
據聯想移動研發中心總經理楊萬麗指出，在聯想(0992)、中興(0763)、波導、三星、LG等20家業者投入下，TD手機已有將近100款產品。有內地證券商引述業界人士透露，中移動(0941)正組織20多款TD手機在8個奧運城市進行測試，結果將直接影響9至10月的終端採購。目前，中興、三星、LG等已經在一些重要指標上率先過關。晨訊是LG在TD手機研發上的合作伙伴，如果LG能夠取得較大的TD手機訂單，負責手機設計的晨訊，自可望在TD手機的市場大餅中分一杯羹。
同業績差 預示業績倒退
雖然晨訊的中線前景不差，但短線卻有隱憂。內地不斷延遲3G牌照發放、2G手機的價錢不斷下滑，無論是手機製造商及設計商都面對很大的壓力。晨訊主要競爭對手之一的龍旗，第1季盈利就因此急跌55%；內地主要手機品牌之一的波導，今年首季更是轉盈為虧。
由此推斷，晨訊上半年業績能夠逆市向好的機會不大，因此就算短期內出現反彈，可能到8月公布業績時，又會再跌。尤其是現在股市異常暢旺，也犯不着買一隻上半年業績可能大倒退的公司來博反彈。
大股東減持 沽壓待消化
此外，大股東減持了1億股，一下子令市場供應量大增，也會抑壓股價的短期表現。所以總體而言，還是等待公司宣布上半年業績、壞消息出盡後才決定是否買入，應該是較為安全的策略。
後記：招股時反應冷淡的峻凌國際(1997)，一如筆者所料，股價在上市第二天終於交出好表現。似乎將來遇到這種從台灣上市公司分拆的企業，要多留意其母公司在台灣的股價及業績表現，可能會有意
羊咩
其實我果個回報唔算高啦，亞 k 果個高好多，真係開心死
manulife 果個保留基金有兩個
一個係進取基金，一個係中華威力基金
中華威力果個既回報好高，高過進取基金多多聲
(唔好話 manulife 既 staff，其他 IFA 都話中華威力真係無改錯名，真係好有威力)
(無記錯你講果個增長基金好似回報比進取基金低，不過我唔記得左點樣可以睇返 :p)
今年3月底到而家
進取基金果個升左 10%
但係中華威力基金有成 30%
而家考慮緊將唔將進取基金都轉埋過去
但係正如亞 k 所講，咁做會加大左個風險
所以考慮中
另外現公司 (岩岩做左一年三個月) 就用 aia
呢個全部都係高風險，有香港股票，亞洲股票，同埋大中華股票，供左一年三個月都有 30% 回報
我覺得簡 mpf 既組合要先問問自己個年齡同埋可承受既風險
年輕，簡 d 高風險都無壞
少帥
金曹兄,
想問你會點樣控制風險?例如接近6.5%, 但係個市又未跌...你會...
1.堅信會跌, 沽出所有短線股票,,
2.唔跌唔沽, 永不估頂, 開始跌至止蝕
3.沽出部份短線股票, 且戰且走..
4.買入認沽輪/期權/熊證對沖...
5.其他..
香港熊貓眼：
別客氣，同咁多位師兄姐既貢獻相比，我只是照自己的筆記打幾隻字，其實算不上什麼。
係呢，曹仁超今日係會展都有講座喎。聽講有D野係同林森池唱反調，如中資保險股已很貴，HSBC唔掂，睇好煤價等。唔知有冇人有更多資料？
1. 國內A股經過最近的調整，已經安全著陸。泡沫只存在於ST股,香港的聰明錢都在買國企, 現時港股只見小泡沫, 估值仍合理。
2. 美國債券災會走先過股災，因此可用債券市來預測股市。Carry Trade拆倉對股市會有影響，但其風險及不上美債息率上升。
3. 美國樓市次按只是小問題。
4. 對國內銀行股的分析。
5. 對國內保險股如中國人壽的分析。
6. 國內電力股與煤價的關係。
7. 對中移動的評論。
8. 認為貴金屬冇息收，不會產生現金流和，不值得長期持有。
9. 香港豪宅現時的每年回報率約為2.5%，估計豪宅價升到回報率低於2%，就會見頂。(炒
豪宅要注意!)
我覺得Luk Sir這個blog及各位師兄師姐很溫馨,很難得!
今天揭了大半本平民資本家,內容主要介紹PEG的妙用及作者98年投資至今的心路歷程,從而帶出投資的大道理。(比上本書淺白、易明)
看完後,覺得可能對兩隻股有壓力,(4)和(857),因書中用了大量篇幅分析買出原因。
投資要識計合理股值及PEG,不要只看P.E.。
支持 Luk Sir 又出新書, 再次買書支持支持
陳玠霖，中國這五年的國策是擴大內需，電力設備肯定有強勁需求，東方電機、哈動、上海電氣估計未來兩三年超過25%增長絕不出奇，即我最初估計16倍市盈非常保守。但是哈動這三個月已升了70%，隨時有回吐壓力，估計$12.6/$11.8區域應有強力支持。買熱炒好股十字真言：「有貨要坐定、高追有風險」。
各醒目網友、才子佳人、英雄美女，美國十年長債^TNX現時5厘左右，如果債息急升，衝上6.5厘以上便要小心引發股災。以下是「金股匯」的五日走勢圖，希望幫助大家控制風險。股市無可能只升不跌，跌市成手貨，資金被縛，無錢撈底係非常無癮的事。
http://hk.finance.yahoo.com/q/bc?t=5d&s=%5ETNX&l=on&z=m&q=l&c=USDJPY%3DX%2CGLD&c=%5EHSI&c=%5EDJI
MC，Mars
講真買輪真係超高風險
得就得，唔得就忽得
我果個同事可以一日10萬變13萬
但係佢有 D (有次係細價股) 都可以輸到佢眼定定
雖然見到人地執咁多都會眼紅
所以我都係台頭貼左個忍字提醒自己係一隻小綿羊
p.s. Mars 你都幾黑仔，哈哈 :p
少帥
阿不子/ Kelvin,
講座中話 "香港的房地產牛市已於1997年結束"，係指 1997 之後的房地產唔係熊市，都會係牛皮上落市，唔會再好似八九十年代樓價長升長有。
這幾年的樓價升幅只集中在供不應求的豪宅，中下價樓只係沙士大跌後反彈，唔係轉勢。另一個反彈的原因係美元大跌，所以港元資產會趨升。如果中下價樓以歐元報價，基本上這幾年無升幅。
答中問題，即可參加大抽獎，有機會免費獲得陸羽仁親筆簽名之《股俠創富II鱷口偷金》，名額20個，請從速行動！
可憑下載之換購券以港幣48元及《星島日報》報頭2個，即可換購《股俠創富II鱷口偷金》一本。
http://www.hkheadline.com/news/prom/drluk_booklet/index.asp
亞k
曹仁超 : 投資者常犯錯誤係 [轉貼]
一、睇頭條買股份，忘記好消息應出貨。
二、唔分析公司前景，反而睇住公司過去，即我老曹常批評嘅「望倒後鏡做人」。
三、同情折翼天使，有D公司曾有光輝過去，唔少人期望佢東山再起而買入，可惜光輝不再。
四、有D公司純利出現極高增長而出現高PE，但飛得太高、太接近太陽，翼上嘅蠟熔化而一落千丈。
五、有D公司管理層為未來提供美麗前景，但永遠做唔到，所謂Over Promise, Under Deliver。上述股票，投資者都必須小心。
Kevin,
1. 招行合格loan比HSBC還高, 所以貴過HSBC=>招行貸款質素好，借錢的好多都是好客。
2. 要留意受關注doubtful的loan有機會惡化 =>doubtful是貸款偏中下質素的債仔，有機會變衰客，即變壞脹。
3. 買招行的投資者好專業 =>有做功課的投資者
4. 貴金屬=>金，白銀，冇長線升幅
5. 香港的房地產牛市已於1997年結束=>呢幾年都升的只是豪宅。
陳玠霖,
唔睇你篇轉載，都唔知哈動 (1133) 製造水力發電機組的技術原來咁強。
哈動我有貨在手，看到正面的報導當然開心。但師兄們的善意提醒，指出哈動為基金愛股，股價容易被基金操控，令股價波動較大較急，也是不無道理。
哈動中長線看好，但短線可能會大上大落，新手不宜高追。
Kelvin,
關於林森池大師講座內容，有空可看看在下的拙作:
http://blogcity.hkheadline.com/reactor