沒趣的人

相信大家生活得久了, 都會遇上一些设趣的人, 你無論想同佢談任何話題, 得來的答案總是一盤冷水, 冇興趣！

例如最普通的飲餐茶, 此類人都會嫌遠, 嫌貴, 嫌唔好食, 嫌招呼差, 嫌三嫌四,一於打沉你所有建議為止ｏ有時一班人中, 只要有一個此類人, 真係寸步難行！冇趣之極ｏ

呢D人都唔知出咗乜嘢問題, 總之你同佢講乜, 佢都冇興趣！

講時事, 冇興趣！

講信仰, 冇興趣！

講人生,  冇興趣！

講揾錢, 冇興趣！

講吃喝玩樂, 冇興趣！

講電視電影, 冇興趣！

講是非, 冇興趣！

講異性, 冇興趣！

唉！做人做到咁, 真係冇乜人救到佢咯？乜都冇興趣, 點做人呢？（講耶蘇？更加冇興趣！咁耶蘇點救你？）

吓？你隔離左右有冇D咁嘅人呀？