塘西風月

我小時住在石塘咀, 在附近有两間酒家, 一間是金陵酒家, 一間是廣州酒家, 據講戰前是有歌伶唱歌陪酒的, 客人用花箋召歌伶去献唱, 但我無緣一睹盛事, 只能聽D大人吹水時講起而已ｏ

偶然見有位仙風道骨的老婦經過, 原來就是四大平喉的徐栁仙小姐了ｏ

在晉成街口住有顧天吾一家, 據說是戲班中人, 做武生啩？

在街口有一相命先生, 招牌叫做金吊桶, 靈唔靈就唔知了ｏ

街上偶然有些老女人經過, 有D大人話佢, 曾做過琵琶仔, 是風月塲中人, 但卻並無不敬之意, 當年的風月塲不等於色情塲所, 是高級娛樂場所趙是ｏ

晉成街附近有兩家戲院, 一家是太平戲院, 一家是金陵戲院, 太平戲院有時做大戲, 是我小時經常出入的地方, 尤其是公餘塲（五點半塲）專做西片, 我的英語就在那是打好了基礎, 好似而家仲有D尊榮的牛仔音尾ｏ

有一輪我專睇中聯出品的電影, 即吳楚帆, 張活游, 張瑛, 白燕, 黄曼梨, 黄楚山等等的電影ｏ計有激流三部曲之家, 春, 秋, 危樓春曉之類ｏ搞到而家我D道德倫理觀念都有D似吴楚帆, 成鬼日叫人唔好食碗面, 就反碗底, 對我日後的待人接物影響極大！