六年人事幾翻新
2012/12/14 20:24:46 網誌分類: 職場無奈說
六年前以為某D行業好簡單
直到近一兩年我開始發現...
六年前既人係咪單純少少? 定係我既主觀想法太單純呀?
可能根本六年前既其他人同今日既其他人係差唔多,
只係我既閱歷深左, 睇野透左, 撞板多左。
但近日有種感覺,
就好似大家對曾蔭權同梁振英果種嘩然咁...
開始對某d事情嘩然,
但原來世界上好多人已對呢種事情習以為常~
尤其受人錢財, 必要替人消災。
唔幫人消災, 人地就會降災落你度~
但你幫人消災, 自己亦會受災, 有時其他人見你消得到災, 就俾多好多災你添~
消到當然好, 消唔到... 真係大難臨頭。
並唔係唔願意, 但人係會倦既~
倦唔可以做理由, 因為嚮某d人既思維裏面, 你係一個齒輪, 佢唔理你有冇靈魂、理想、批判思考,
只要倒得出佢地要既模, 就係佢地心裏既「成功」 =.=
否則你幾努力, 幾有創意, 嚮佢地心裏面, 你都係爛泥, 佢地都要放你落屎坑。
哈哈。
回應 (0)
我要發表