千七狂潮

在我六九年大學畢業後, 桓生開始在股票市場設有桓生指數, 最初開始是100點ｏ而當年買股票很艱難, 交易所包括, 港會交易所, 九龍會交易所和遠東會交易所三間交易所ｏ港會是服務傳統大客, 遠東會比較普及, 而九龍會似乎就比較少客幫襯ｏ

當年買股票要經股票經紀, 边有而家咁公平, 公正, 公開ｏ好多時都有人投訴经紀食價, 昇市賺咗, 又話買唔倒, 有好多漏洞ｏ

由我初初買股票（70年代）, 股票漸漸普及起來ｏ 到七三年, 到達瘋狂歲月ｏ股市到達千七點, 全城連擦鞋仔都講股ｏ好多在銀行金融業的人, 不務正業, 入市炒股, 日日魚翅撈飯ｏ新股上市成一時之盛, 有人揚言, 就算揾條狗上市集資, 一樣大把人買ｏ（有D似近日股市也ｏ）

小弟的老師樂秀章教授, 有兩隻科學股, 香港天線及香港電腦, 一樣由一元炒到三十多元, 银行收投新股的支票, 要用裝生果的紙箱收, 認真化學！全城瘋狂ｏ

當年D人根本冇乜所謂技術分析, 又冇乜知識, 俾D大鱷呃, 又俾D經紀呃ｏ政府明知失控,只出指引叫公務員咪炒股, 又派消防員去交易所, 去淋熄吓D太慹情的股民ｏ

結果一個石油能源危機！股市散晒, 由千七點直插百五點！此役大把人破產！更加好多人輸到跳樓！這就是桓生指數千七點的歷史狂潮了！有幸近日再見到桓指衝破二万三, 真𣎴知人間何世矣！