銀紙變廢紙

中英談判期間（八幾啩）, 英國人為了嚇大陸佬, 實行玩嘢, 港紙立即不值錢ｏ美金一元可兌十元港紙, 嚇到全港市民立即楂實物, 走去超市掃貨, 連廁紙都一掃而空ｏ

小弟初初都不為所動, 但一想容乜易冇米煮飯, 於是買了幾包米放在屋企, 又入咗好多罐頭, 去超市有嘢就買, 結果用了幾年, 還有存貨ｏ真惨！

後來英國佬玩完嘢, 將港元用7個8同美金掛鈎, 用到而家ｏ說來奇怪, 7.8這個數字, 原來係隨口噏, 冇乜科學根據ｏ原來當年財爺彭勵治知中國人八, 所以本來定八文對一文美金ｏ但又似兒戲得滯ｏ結果就選佐 7.8這個數ｏ用到而家都掂, 冇人夠胆改佢, 前財政司梁錦松露了口風, 話董生曾經想過改, 立即被政府喝停, 可知嚴重性ｏ

不過自此一役, 黄SIR就知道匯率是國策, 為政治服務, 冇乜標準可言也ｏ而家美國佬日日玩嘢, 要人民幣昇值, 如果唔昇, 單單美國國會就可以决定抵制中國, 可見甚惡也ｏ此乃經濟戰, 唔講得笑也ｏ

各位, 買定人民幣等昇可也！