皇后清場

等了幾個月.終於今日出現高潮, 皇后碼頭清場ｏ

例牌有警察可恥, 誓死保衛皇后碼頭, 這班小朋友的集體回憶, 當然是這一日ｏ

這班小朋友, 真生不逢辰, 不可以打日本仔, 不可以反官倒, 反貪汚, 反暴政, 誓死保衛釣魚台, 落得保衛一個殖民地留下只五十多年的碼頭, 空了了得個牌, 既非領土, 又冇主權, 出師無名之至也ｏ

望見場面十分搞笑, 十幾個警察招呼一個絕食餓到軟哂的朋友, 旁边有差佬大呼,放軟, 咪掙扎！又有一師姐用遮遮太陽, 有人抬手, 有人抬腳, 我諗呢位小朋友, 一生之中都未試過咁多人錫也ｏ

如果在67年代, 警察惡晒的年代, 呢D大佬, 唔內傷都重創ｏD差佬唔插眼, 用暗勁攞胆就奇了, 當年D左仔要自備紗布, 紅藥水, 唔頭破血流就有鬼矣！而家玩呢D示威遊戲, 真係機會成本奇低也！

時代進步, 塲面太斯文冇睇頭, 連坦克都冇架, 真係文塲過文塲ｏ又冇陳主教慰問, 又冇司徒華出頭, 李柱銘又唔知去咗边？大佬！冇晒D巨星, 點似大製作呀？