皇后清塲（2）

終於在八點幾, 清晒班友！呢斑友在傳媒公正的報導下, 相信都幾難呃倒人支持佢地ｏ反而警察大哥斯斯文文, 十分專業, 每捉一個, 我就為佢地喝啋！

其實同呢D唔識想嘅人講道理, 真係嘥聲壞氣！

我眼見當年（六十年代）有位壞了腦的街坊, 要返大陸支援新中國（佢自己以為啱到無倫！誰知只是自以為是！受了政治宣傅的毒！）當時佢亞媽跪在佢面前, 聲淚俱下！要生要死！佢都無動於中, 以為亞媽讀得書少, 將來就會明白佢！

誰知文革歲月, 此君受盡折磨, 方知錯的是自已ｏ

現在社會上, 一樣好多呢類蠢仔ｏ專做爛頭蟀, 有著數就冇佢份（例如呃倒租金呀！收倒捐欵呀！揾倒老襯呀！）被差佬捉呀！被人打呀！就一定有佢地份ｏ

你睇吓 逃緊身 今次, 咪又係企係後面揾呢班傻仔笨！佢有絕食咩？佢有留守咩？佢有被人拉咩？咁你班友都唔醒？蠢唔蠢D呀？

仲話爭取什麼什麽民主！什麼什麽普選！什麽什麽2012！你玩埋我份算啦！