樓市風雲

當中英談判完成, 英國佬在九七前只能每年賣五十公頃地, 結果搞到樓市大旺,供不應求ｏ（本來係驚英國佬玩嘢,效果相反, 實非始料所及ｏ）

一有新樓盤, 已經有人排隊搶購ｏ後來發展到排隊攞籌, 都可以賺幾皮嘢, 再發展有組織的白手套黨, 汽水管黨出現, 人人為樓市瘋狂, 黑社會都大撈一筆ｏ

買賣樓花, 炒樓, 成了發達捷徑, 人人計住層樓值畿多畿多, 冇人肯做嘢ｏ好多工厰老細發覺做實業點都揾唔倒咁多錢, 人人炒樓去也ｏ

D地產經紀, 中學畢業都揾得多過大學教授, 興起了一片讀書無用論, 真係香港乜都有, 係咁玩咗幾年, 人人迷失了方向ｏ

有位維他奶, 大家樂的後人, 姓羅ｏ佢話自已擁有的嘉湖山莊單位, 除了李嘉誠就到佢, 為了紀念他自已的甚麼甚麼喜慶, 到歐洲包了條河玩, 可見炒樓賺錢之易ｏ

章小慧（B哥前妻）在電視吹水炒樓, 買賣豪宅睇都唔駛睇, 就賺到笑！當時被稱為樓市奇才！（當時見佢係電視有咁耐風流, 到後來就有咁耐折墮了ｏ）

後來老董一招八万五, 樓夢破滅！全部破產收科！

人生如夢！信焉！