家庭論股
2007/08/04 16:51:02 網誌分類: 經濟
小弟家中四人, 只有小弟同老豆有沾股票, 媽子同阿哥都不理
老豆經歷過3次 金融風暴,97 ,00 ,03
而小弟只係06年正式進入股場,不過自己都親歷呢3個股災
我從來都覺得我老豆好普通, 不過當談論既時候又發覺佢準備充足, 確實佩服
昨日我同佢又講下股, 佢就話股災好快會黎臨, 我就問番佢.
佢就話內地依家好亂, 樓價貴, 又通脹加劇, 連豬肉每日都要買貴野,但中國野一定信唔過, 好在有08奧運照住 唔會咁快俾佢跌..不過08 之後 起埋起埋d 野又冇人要,到時就乜都拆, 仲唔玩完,不過長遠都好既..
對近日既市大波動佢就話好正常, 現時港股既市值好高,一日有300點至600點既波幅 根本濕濕碎, 相對番大市既百分比 好少..蒸發下d 錢 陰d 陰咁落去 到時唔覺唔覺d 散戶就冇晒錢...
同佢討論完, 自己又唔衰得要做番d 功課. 不過好多都俾佢講中晒, 自問係股場係新手, 咩都唔識, 點都要睇下各大專欄, 不斷刨東尼 陸sir 同曹sir 既專欄
自己又諗下 自己既股票 3988 同1398 放10年
到時多過我自己周圍游賺多d定放係度唔郁賺多d??
回應 (0)
我要發表