理大生涯

我在理工大學教了二十八年書, 以往理工叫做理工學院, 前身是工專, 是為工業界培養人才的學府ｏ

以往只有專業文憑及專業証書, 文憑又分高級文憑和文憑, 而証專卻有高級証書和普通記書的分別, 既有日校制, 也有夜校讀, 更設有部份日間課程, 方便在職人仕供讀ｏ工業界至今依然有好多人在工專讀過ｏ

我任教的學系原本叫電子工程學系, 但後來科網狂潮, 為了吸引學生申請, 改稱為資訊及電子工程學系, 後來更昇格為理工大學ｏ有一段時期（在梁錦松主持做大學及理工撥欵委員會什麽什麼時, 又在建华哥好大喜功的年代, 理工要做東南亞MIT, 要D老師人人爭做什麼愛因斯坦, 一位姓簫的教授, 公開自稱受了愛因斯坦感召入行（條友真係吹水唔抹咀也！）, 又發明什麽什麽計PAPER法, 搞到學界浮跨成風, 做咗好多無謂嘢, 到而家都未收唔倒科！搞到有D老師太專心寫PAPER, 連教學生都冇心機！非常反智！

近年似乎又再踏實咗（可能自從小弟退休後, 勤力做嘢D人多咗也ｏ）, 而家中大, 港大, 科大做理論研究, 理大, 城大做專業應用, 似乎走了回頭路, 不再大攪出PAPER斗多遊戲了ｏ（攪攪吓, 城大最多PAPERｏ）

而家大學三改四已成定局, 大學經費又不再削減, 但理大裡面依然有D嘢, 不可為外人道也ｏ