人生殘夢

有晚黃SIR半夜紥醒, 見有套國語片影住個老婦人（黄SIR習慣開住電視瞓）老婦人講咗畿句令黄SIR大為感觸的說話ｏ佢話, 做人, 左錯錯, 右錯錯, 不知不覺, 一生就過去了ｏ

印證一下身旁的人, 例如司祺姐, 移錯了民, 又再結錯了婚, 走錯了两步, 一生幸福就斷送了ｏ

更多的人是, 揀錯了職業（例如羅太在任時做老師）, 揀錯了老公（明明追的人,由旺角排到尖沙咀, 卻揀個最不濟嘅）ｏ

又有D投錯了資（有次一擲千金, 有位太太將做差大哥老公和佢共有的, 一百万買八号仔, 最後变了一万ｏ）真經典也！

又有D買錯了樓, 試過有位退休人仕, 在樓價最高時換樓, 換間大D嘅俾全家人歎, 誰知樓價急跌, 原先一層放唔切, 要同時供两層樓ｏ家人日哦夜哦, 此君頂唔順, 跳樓了結一生！錯一次就冇命！

有對夫婦仲不幸, 老婆大肚, 走去換樓ｏ誰知買來的樓, 是人用假身份証騙來, 法庭判樓歸原主, 佢又被銀行要續供, 老公無法接受事實, 日怨夜怨, 離婚收塲！

人生犯錯難免, 左錯錯, 右錯錯, 一生就過！真係無乜錯也ｏ