差之毫釐, 謬以千里

可能大家生活耐了, 都有咁嘅經驗, 你在地鉄站要轉車, 你一到站想轉車, 另一边的車, 就剛剛加啱啱開走, 等多十秒八秒都唔得, 都唔知地鉄係唔係有心嘅？

好多時開六合彩, 你都可能試過, 買 五 就開 六, 差小小（一個號碼之馬）或者中两個半字（差小小就收錢！）總之好少, 可以中到正六個字ｏ（我都未試過ｏ）

買馬就更加啦, 輸個馬鼻, 又係差小小, 如果唔係就嬴到開巷, 經常事啦！

同D老人家話當年, 大把人會話俾你聽佢地差小小就做倒乜, 差小小又做倒物ｏ當年如果佢做塑膠花, 仲點會輪到李嘉誠吖ｏ或者佢有考雛鳳, 幾時輪到梅雪詩吖ｏ

有D又會話如果屋企唔阻住佢返大陸, 鄧小平個位, 差D就佢坐咗了ｏ

人生的際遇, 真係無法估計, 你睇陳方安生到而家都放不下, 就係如果佢可以沉得住氣, 特首個位, 佢都有份做, 就係差小小, 而家被嘲為出牆紅杏ｏ幾慘！

大家不妨回顧吓, 係咪好多, 差小小的際遇呢？我就成日都覺得差小小, 我就發佐達嘞ｏ