跌市我點做

今日又大跌市, 兩星期間波幅好大,7月尾我仲諗緊放唔放既時候,係其他blog 有網友轉載東尼既其中篇文章,佢話工商銀行20年後會有30蚊,立刻成個人諗通晒,

工商銀行現價4.58(今朝既價) 20年後30蚊 ,距離足足26蚊,咁東尼講既野值唔值得信,唔知 ,不過不要問 只要信,人地食多你咁多年飯 經驗比你多,係咁既情況下 只有信....

點解我選工商銀行,中國銀行
其實5行除左中信銀行外,5隻我都鍾意
不過招商銀行1月已經$16,交行已經$9 工行 $5 建行都係$5

我第一隻買既係中行@3.39.到1月左右我放左去 利潤不少,之後係3.8買番,當時既盈利,夠我買交行一注過,中行同工行都各一注, 所以選擇左後兩者...

他日若然我有能力一於五行三保一齊入晒去,haha

我選股受老豆同曹sir影響...因為佢地兩個都講左一句相同既說話
就係用眼去選股..資訊發達,有部電腦就睇到全世界既資訊,加上恆指,國企已經選左成堆好股...

用眼去睇股,你會見到中銀大廈,匯豐銀行大樓,落街去銀行過數要搵hsbc,恆生,中銀
地產會見到長實,新鴻基,同恆地起既樓....我搭既車係九巴/地鐵, 車窗門外面會見到嘉里建設同和黃既公司車,上網會見到國內網站會睇到五行既資料,行街都會見到工銀亞洲,建行....好多好多.講極都講唔完

老豆就係咁教我,曹sir講既意思我都係咁理解
唔使問 只要信 你驚人地會走你數?...老豆呢句野真係一生受用