水滸趣談

水滸傳乃寫宋朝官迫民反, 梁山聚義, 刼富濟貧的故事ｏ其中有一百零八條好漢（即大賊！）天乜星三十六個, 地物星又七十二個, 個個都有一技所長ｏ

例如好打就有, 八十万禁軍教頭林沖, 奥運游水高手, 就有浪裏白條張順, 魯莾見稱, 就有黑旋風李逵, 軍師就係智多星吴用, 人人有綽號, 個個配天上一粒星ｏ

好漢中, 又例如行者武松, 魯智深就係花和尚, 宋江就係及時雨, 玉麒麟就係盧俊義, 以前（大約四五十年前ｏ）黃SIR就係日日聽收音機, 記番泥ｏ

到後來都有睇本書, 但點都唔及聽咁過癮, 剩係記得D好漢成日講, 淡出鳥來！（可能係粗口！）斑友一入酒家, 就叫十斤八斤牛肉, 大佬！小弟去食火煱叫一碟美國肥牛都成五十文, 得小小, 十斤咪破產？咁咪要帶好鬼多錢, 先至可以行走江湖？

而好多時, D酒家就係黑店, 有D蒙汗藥, 飲咗就不醒人事, 勁好玩！而家D麻醉師唔知係咪都有用呢？

以前D人與事, 思想, 感情同而家都差唔多ｏ但D好漢, 就個個都有靚朶, 好有型ｏ唔似而家D古惑仔, 唔係喪標就係喪强, 一唔係就斬崩刀, 潺仔勝, 白粉仔冇D文化ｏ起碼小弟唱歌都有靚朶, 叫做玉面金喉啦！