黑旋風李逵

水滸傳中最搞笑的人物, 就係黑旋風李逵ｏ佢嘅武器就係两把斧頭, 可以想像,就係肥肥矮矮張飛型, 滿面鬍子的人物ｏ

此人魯莾衝動, 成日打錯人ｏ但天生奇孝, 又有義氣, 宋江就用個義字制住佢, 成世入跟出跟入, 是宋江的打手ｏ

水滸中有一段專寫佢, 佢遇見一個叫李鬼的小人物,冒佢名打刼, 俾佢捉住ｏ但李鬼花言巧語, 話家有九十歲娘親要照顧, 結果李逵被騙放咗佢, 但最後俾佢發覺佐, 李逵打瓜佐個李鬼！（此段乃真假黑旋風也, 黄師傅（葉師父之夫）話粵曲有隻咁嘅歌, 唔知有冇人知呢？）

李逵佢自己個娘親就死得寃枉矣, 佢係亞哥家中孭走咗母親, 去到深山, 佢母親話口渴, 佢去取水, 返泥發覺老媽被隻老虎食咗！佢一怒之下, 就打死咗隻老虎！其實水滸中除了武松打虎外, 李逵一樣打死老虎也ｏ

黑旋風李逵自已死得仲惨, 是宋江被朝廷招安後, 皇帝賜佢死, 佢驚李逵幫佢報仇（愚忠！）, 先毒死李逵, 可憐一代黑旋風, 胡裡胡塗就玩完一生ｏ（事見續水滸傳ｏ）

黃SIR連 續水滸 都有讀, 博學之極矣ｏ點到你唔服！