及時雨宋江

宋江本身是個小吏, 又唔打得, 成世人最激就果次, 係怒殺閻婆惜, 其他時間就扮好人,交結好漢, 江湖救急, 要錢借錢, 要人卻冇人, 本身老豆根本唔俾佢做賊, 佢落咗草, 想接老豆上山都唔得, 可見家教甚嚴！

但佢卻死好命, 成班好漢肯聽佢點, 尤其是果個黑旋風李逵, 人人唔聽, 剩聽佢支笛, 所以冇人敢得失佢ｏ

次次有人上梁山, 佢都叫人做大哥（整色整水）, 人家唔識趣, 黑施風就喊打喊殺, 所以做硬老大ｏ

以前細個唔識嘢, 好佩服呢類人, 而家見得人多, 見到D咁虛偽的人就想嘔, 好似陳太話唔想做特首呀, 何秀蘭話要人還人情債呀, 李卓人話為紥鉄工人斗爭呀, 都係此類貨色ｏ

及時雨？我呸！