豈可無夢

曾經有一窮措大, 買了两隻鷄蛋, 一路行一路盤算, 回去之後, 蛋变了鷄, 鷄又生蛋, 蛋又变鷄, 如此這般, 就擁有了一個鷄場ｏ有了鷄塲, 發了達, 就可以娶妻, 又可以生子, 美夢由小小觸發點開始…….

但周遭的人開始潑佢冷水, 有D就話, 两隻鷄蛋未又必咁啱是一公一乸, 又未必養得大, 又未必一定開枝散葉………可能行行吓, 一個唔該, 打爛咗, 乜夢都冇了.啦……..

天下間最冇癮者, 就係遇倒呢種好事之徒ｏ

話明發白日夢, 當然是希望是發美夢啦ｏ諗吓, 開心吓之馬, 咁鬼認真作甚？你地講埋D唔得駛嘢ｏ阻人尋夢ｏ煩唔煩D呀？

世上太多無幽默感, 無思想空間的人, 將別人的美夢, 無情粉碎, 正是煮鶴又焚琴, 大失風雅之事也ｏ

莊周曉夢迷蝴蝶ｏ 連莊子咁聰明, 都得閒發吓夢, 又點怪得黄SIR呢？

天下事, 不過一場蝴蝶夢而己, 話明發白日夢, 又駛唔駛咁認真呢？