往事太沉重

上了年紀, 又交了一班新的朋友（退休後, 生活圈子自然會改變ｏ）但新相識的朋友, 個個都年紀有番咁上下, 背後都孭上了很多住日生活的包袱, 一個不慎, 唔覺意踩入別人的禁區, 誤觸大忌, 好易朋友都冇得做也ｏ

有一次中學舊同學的聚會, 我以前的好友, 拖開我, 同我講, 你千祈咪問我太太, D細路點呀？佢剛剛細仔去佐, 驚佢失控呀？（嘩！好在先講！否則一句客套話也闖大禍也ｏ）

社交塲合, 很難唔問候人家人, 身體健康, 諸如此類ｏ有次唔覺意問個女同學嘅先生好嘛７（即佢老公！）誰知佢咁答, 話, 個死佬死鬼咗咯！ 吓？點死嫁！ 哦！俾頂緣帽佢戴, 遮住隻眼, 俾車車鬼死咗！ 吓？咁黑？咁都得ｏ死未？

又有一次, 又多口問人一句, 近日身體好嘛ｏ 個女人話, 冇乜嘢, 啱啱化療完, 仲有三個月命咁之馬, 天日去棺材鋪揀定副木, 得唔得閒嚟, 幫吓眼吖？吓？咁都得, 死未？

總之除了天氣, 真係講乜都死ｏ講錢唔得, 講家庭唔得, 講健康唔得, 講工作都唔得ｏ（同黄SIR講工作？大佬, 我冇做嘢幾年囉ｏ 做乜唔做嘢？ 边個養？嘩！ 駛唔駛同你交待呀？ 我去做鴨, 養活自已, 得唔得吖？死未？

上了年紀, 往事真沉重也ｏ