莫問根由

所謂 英雄 莫問出處, 落泊 莫問根由ｏ 重點就係,  莫問, 莫問, 有時D嘢, 冇乜必要, 就咪亂咁問ｏ

有時碰到一D不識趣的人, 成日尋根問底ｏ例如, 在演唱會碰到佢, 佢會問點解唔企上去唱呀？（嘩！大姐, 唱一首歌成幾千文, 你俾呀？）有時又會講, 边個边個唱得都唔夠你好, 都夠胆企上去, 幾時輪到你呀？ 冇旦牙？ 冇………

大姐, 駛唔駛乜都同你交待呀？

又有D人見你跳舞, 又走埋泥問長問短, 點解唔揾個猛料D嘅師傅呀？上深圳揾個女師傅跳吓, 就會跳得好玩好多啦！ 吓？玩之馬？ 揾一億去學咩？大姐, 過日辰, 駛唔駛咁勞心勞力勞財呀？我而家跳得好失禮你咩？成個塲, 最差個件, 肯定唔係我, 駛唔駛咁講嘢呀？

最近十八區粵曲大賽, D人見我都冇參加, 又紛紛問侯ｏ 又話你係番生林家聲？（講之馬, 林生都未死！點番生呀？ 吓？用吓腦啦ｏ講講吓ｏ唔知佢最近個演唱會點呢？有冇人知呢？吓？）, 又話你係边個边個笑話哥嘅徒弟, 又唔見你夠胆參加？ 吓？ 我唔夠胆？ 我正盤算緊同D旦 一齊比賽, 好男不與女斗之馬ｏ 要合唱, 鳳女姐又唔得閒, 得我一個叻, 點參加呀？, 苦惱之至也ｏ

D人乜都問餐飽（係唔係食飽飯, 冇事做呢？ 哈！我自己就係嘞！）, 連粵劇承傳都關我事？又問餐飽,  真係煩死人冇命賠也ｏ