無敵之人

唱粵曲, 周不時在曲藝社, 會遇見一D自以為天下無敵的人, 有時口氣大到令人難以忍受ｏ

某日見了一位稍為唱到好小小的女平, 就大言不慚, 自言自已屬於 人見人愛, 車見車載, 揾佢唱歌的旦, 排隊由旺角排到尖沙咀（難怪香港咁多人龍, 咁都一條龍！死未？）

一次可以連唱十一支歌, 面不改容！有D旦又生得耳仔軟, 人地噏乜都收晒！更加令呢D人自大！（黃SIR自不然避其鋒頭啦！一開声窒親人, 就唔係幾好啦！今日得罪呢個, 天日又得罪第二個, 容乜易連歡樂粵曲都冇得玩嫁！）

學粵曲, 的確易學難精, 一般師奶唱得有丁有板, 又啱音, 發口又好, 又夠氣, 識用声, 的確難能可貴！但以為天下無敵, 全世界D旦都為佢傾倒！咁就過咗火位D了ｏ（但世界上又偏偏有D, 两隻眼盲咗三隻嘅人, 又會咁都肯制ｏ）

有D仲離譜ｏ要收人介口ｏ至少操曲都要俾埋佢果边ｏ唉！制個D都係儍嘅ｏ大家歡樂粵曲咪好囉ｏ駛唔駛搞到賣唱咁專業呀？買唱是買音樂拍和ｏ連陪唱都買埋ｏ我就樫番矣！

有智慧嘅旦, 都知點揀啦！玩之馬ｏ駛唔駛咁下氣呀？

哈哈 哈哈  呵    哈哈哈（三批鑼鼓）