執着的人

有時同D人一同玩樂, 如果大家能對事物看法一致, 溝通無碍, 真係如魚得水, 快活非常ｏ

但有時卻不幸遇到一D執着的人, 將佢自己的觀點角度, 強加於別人身上, 一旦與佢不同, 就很易惹來爭執, 喋喋不休ｏ

小小的玩樂, 也变成了寸步難行ｏ例如唱粵曲拉錯了一個腔（林家声唔係咁唱！任劍輝又唔係咁！大佬！玩之馬, 駛唔駛學到十足十呀？）

跳舞又一樣, 有D人樣樣十分執着, 樣樣要跟足老師, 誰知老師都係半桶水, （一桶水又點肯唔駛錢去教人呢, 二三十皮嘢一堂, 係咁上下啦！）有時老師都會錯嫁, 我以前都係老師泥嫁, 不用墨守成規嘅ｏ

男步又要點, 女步又要點, 其實两人夾得倒, 就點都得啦！有D人事事畫地為牢,結果咪跳唔倒囉, 歡樂舞步, 咪得囉ｏ 又唔係叫你去教人, 真係廢嘅！

人生苦短, 事事執着, 又如何去亨受生命呢？吓？