自以為是

人很多時將自己以為正確的事, 以為全世界看法都一樣ｏ正如香港一D政客, 開口又話代表全港市民, 埋口又話代表全港市民, 都係自以為是之類ｏ我就從來都唔覺得呢班低智聯可以代表我ｏ佢地D所謂民主就係佢地要嬴晒, 其他人輸晒, 全無智慧的考慮！（所以曾生指出, 而家泛民即反對派, 咁大家至明佢地的本質ｏ）

最近黃SIR看了十八區粵曲比賽, 突然興起一個念頭, 如果新馬參加, 豈不是嬴硬？咁多人唱粵曲, 我就最服新馬仔, 可以一頓成秒, 成棚音樂任佢點玩都揮灑自如, 真歌神也ｏ

原來很多人不同意, 有D人話佢亂加孭仔字, 又多哪渣腔, 冇格律, 總之缺點多多, 未必是歌神也ｏ而且十八區粵曲比賽D評判亦有其他背景人仕ｏ冇人一面倒喜歡新馬ｏ

原本我以為以新馬, 就殺晒, 原來是………………自以為是而己！

所以人要經常同人溝通吓, 所謂兼聽則明, 咪自已以為是, 就以為全世界都以為是至得嫁！

我好多時都覺得自已覺乜都天下無敵ｏ有日在自己屋邨會所更衣室哼畿句粵曲ｏ有條塞豆窿同我講ｏ叔叔, 你唱乜呀？好難聽呀！（如果佢稱呼我做伯伯, 我就一定濕佢！死靚仔, 冇大冇細！）