吹漲之事

有時出街食嘢, 周不時遇倒D待應, 俾佢吹到啤啤聲ｏ

例如食西餐, 佢地有時俾刀唔俾义, 等你冇义用ｏ你同佢講冇义用, 佢又誤會你話佢冇义用, 更加唔啋你ｏ搞到你食牛扒要用牙簽食, 真吹漲也ｏ

有次同細孖到文化中心的眏月樓食飯, 果間嘢用两個臘罐慶住個茶壺, 細孖見火太猛, 叫個待應吹熄一边ｏ個女子好有禮貌問佢, 想我吹左边還是右边呢？吓？有分別咩？大姐, 你係晤係玩嘢呀？

我周時去馬會百勝廳幫襯, 呢度一忙就請好多臨時工ｏD臨時工放低玩一杯飲品俾我, 剩番一杯都好有禮貌坩問呢杯係边位溉呢？﹝通常得我同老妻两人, 一杯俾我, 唔通另一杯都係我？吓？﹞

有次在屋邨平台練舞, 有幾條室豆窿走離評頭品足ｏ睇咗一陣, 見我冇理佢地ｏ有條約四五歲嘅靚仔問, 叔叔你打太極牙？（我冇啋佢）佢地又話, 咁得意ｏ係處亞支亞咗ｏ我頂唔住, 你地D大人呢？仲唔番屋企！幾條靚仔又唔走, 係咁品評, 吹漲我！