地球大合唱

2013年,可以說是香港樂壇的紀念年,今年我們先後為哥哥,家駒,DANNY,梅姐的忌辰作紀念,今年11月,我們將會一位鬼才作一個逝世十週年的音樂會,他在週刊上寫下多篇以洋蔥頭為名的作品,本為廣告人的他,以多種不同的方法,以獨特的手法寫下多首經典金曲.成為你和我心目中的經典.在舉行造這個音樂會的同時,環球唱片,與不同唱片公司合作,將他身前最具代表性的作品,推出一個101紀念專輯,向他作祟高的致意,他是著名女作家,林燕妮小姐之胞弟弟林振強先生.

今天為大家選來這張作品集中,首次以CD模式面世的歌曲,紀念TVB開台20週年以作的歌,當時的歌手陣容可以說是空前絕後,帶出了當時社會守望相助的精神,看看1987年的香港,和現在的香港有什麼不同不如聽聽這歌吧.

地球大合唱

曲:顧嘉輝,詞:林振強

http://www.youtube.com/watch?v=1XnjEgmNGnc

徐小鳳：人心　關起會細小如塵　　不可以載起旁人　麻木閉塞一生
關正傑：人海　內有億萬人　　其實都可拉近　如人類不自困
梅艷芳：人心　張開會有光無窮　　張開有暖火熊熊　紅日那般高溫
羅文：如可　讓每顆心聯盟　　無論遇多少的厄困　也可衝出迷陣

葉麗儀：齊心喚醒心中那火太陽　去將四海黑暗變明亮
張學友／鄺美雲：齊心用愛做艷陽投射去　　使苦痛之軀再獲能量
葉麗儀／許冠傑：如肯喚醒心中那火太陽
許冠傑︰世間有天總會更明亮　

呂方／林憶蓮︰如肯為建造未來齊奉獻     始終有一天　這地球會合唱

譚詠麟：人心　關起會細小如塵　　不可以載起旁人　麻木閉塞一生
陳潔靈：人海　內有億萬人       其實都可拉近　如人類不自困
林子祥／葉蒨文：人心　張開會有光無窮　　張開有暖火熊熊　紅日那般高溫
張國榮：如可　讓每顆心聯盟　　無論遇多少的厄困　也可衝出迷陣

鐘鎮濤：齊心喚醒心中那火太陽　去將四海黑暗變明亮
陳百強：齊心用愛做艷陽投射去　使苦痛之軀再獲能量
林子祥／葉蒨文：如肯喚醒心中那火太陽
林子祥︰世間有天總會更明亮
甄妮：如肯為建造未來齊奉獻　　始終有一天　這地球會合唱

合：若你我他　喚醒心中那火太陽　世間有天會更明亮
       攜手為建造未來齊奉獻　始終有一天　這地球會合唱

女：齊心喚醒心中那火太陽　　去將四海黑暗變明亮
男：齊心用愛做艷陽投射去　　

合︰使苦痛之軀再獲能量
合：攜手喚醒心中那火太陽　世間有天總會更明亮
       攜手為建造未來齊奉獻　始終有一天　這地球會合唱
合︰齊心喚醒心中那火太陽　愛可過山越洋除邊疆
       攜手為建造未來齊奉獻　始終有一天　這地球會合唱

 雖然,這首歌已經絕版多時,多謝YOUTUBE把它重新帶給我們這份記憶,填詞的RICHARD及幾位有位灌錄的巨星級歌手,也先後離世,也許現在這個社會這幾年分代的情況,許多對政府不滿的問題,相比當時當你有問題時,我們可以幫到你,現在呢,只會自己理自己,如果,我們多走一步,任何有需要的人都可以得到幫助,不如我們看有份灌錄這歌的歌手所講的'愛心語錄'.

徐小鳳：地球上有五十億人，如果每一個人都能夠出一分力，我相信呢個地球就會更加光明，更加溫暖。
蔡楓華：做善事冇人嫌多，愈做得多善事，有更多有需要嘅人得到幫助。
劉美君：我哋個個都唱得好起勁架，你哋都一齊唱吖。
陳百強：想人哋關心你，首先就要關心人，系咪？
羅 文：地球上面有好多風風雨雨，有好多人連遮陰嘅地方都冇，咁你哋有冇諗嚇幫嚇佢哋呢？
夏韶聲：我希望呢張唱片，可以賣出好多好多張，咁樣就會有好多好多人受惠。
Raidas：做善事同夾Band一樣，最緊要齊心！
陳潔靈：聽歌做善事，又容易又有意義，你話幾好呢！
蔡國權：能夠參加今次行動我覺得好開心，希望你哋都能夠分享我哋每一分喜悅。
葉麗儀：一向都認爲音樂領域系永無界限，正如愛一樣，廣闊無崖。
區瑞強：唱呢首歌令我更加體驗到，人與人之間嘅親切/關懷。
劉天蘭：能夠用歌聲嚟表示我哋嘅關懷，真系開心，最多謝系你哋行動嘅支援。
呂 方：條條大路通羅馬，做善事唯一嘅途徑就系齊心合力。
許冠傑：潮流興啲乜，梗系做善事喇，你都唔會落後架。
張德蘭：我覺得呢首歌好有意義，你呢？如果你嘅感覺同我一樣嘅話，話俾多啲人聽吖！
盧冠廷：希望大家各盡所能，熱心公益，如果我哋齊心，一定會事成。
鄺美雲：快樂有很多種嘅，其中一種就系做善事，你哋都嚟分享下呢種快樂喇！
達明一派：我哋誠心多謝你加入呢次咁有愛心嘅地球大行動。
蔣麗萍：世界上有好多事物都唔會持久，只有愛心系永恒不變！
林子祥：我哋日日都做好多事，點解你唔考慮做啲善事。
譚詠麟：玩梗系愈多人愈好玩啦，做善事都系一樣喎，記住預埋你哋架喇！
陳美玲：只要我哋心連心，世界就會變得更加明亮！
杜德偉：加入咗呢個愛心同盟，你同我肯定好興奮。
李麗蕊：一個咁有意義嘅地球大行動，相信凡系地球人都會回應嘅。
林志美：我希望呢只唱片能夠爲更多有需要嘅人，帶嚟快樂同埋溫暖。
太 極：愛心就唔好得個講字，一定要有實際嘅行動，千祈就唔好耍太極！
陳慧嫻：做善事又可以聽靚歌，你哋話系咪超值嘅享受呢！
關正傑：曾幾何時有人幫過你，點解你唔趁呢個機會幫番嚇人。
梅豔芳：咁有意義嘅事，梗系預埋你嗰份啦，快快快……
鍾鎮濤：做善事最緊要行動，駛唔駛講咁多嘢先！
林憶蓮：呢張唱片集合咗我哋咁多位歌手嘅參予，相信大家亦感受到佢散發出嚟嘅溫暖。
張學友：地球嘅溫暖哩，就全靠太陽，咁人間嘅溫暖呢？就全靠我哋羅。
陳松齡：我希望呢張唱片所蘊藏嘅萬千愛心，可以爲我哋締造一個更美好嘅新世界。
張國榮：如果你瞓唔著覺嘅話，不妨諗下呢個世界上仲有好多人需要你嘅幫忙架。
甄 妮：做善事我哋預咗你架，叫埋你隔籬嘅朋友一齊嚟啦！
郭小霖：我覺得做善事系唔論富或貧嘅，最緊要就系有心。
雷安娜：既然呢個行動可以幫到咁多人，咁快啲將呢個消息傳播開去啦！
葉蒨文：當你欣賞呢只歌嘅時候，好多人已經得到你嘅幫助，好多謝大家！

另外,我有一個好消息告訴大家,如果你們又棄置的玩具,可以捐到以下的地方,為有需要的朋友的禮物.

http://www.hongkongpost.hk/chi/misc/2013/toys/index.htm

希望,大家能夠將這個消息傳給任何人,令到有需要的朋友過一個快樂聖誕.

PS作品集的封套及歌曲名單.