一念之間

人的思想的確很奇妙, 一念可以為善, 一念也可以為惡, 有D人有時諗嘢走咗入死胡同, 搞到自已又唔開心, 周遭的人就更加要陪佢唔開心ｏ

人生在世, 短短數十寒暑, 要開開心心過日子, 就一定要搞通思想, 不要令自已走入不快活的死胡同ｏ

點至可以咁？人人的際遇不同, 有D人因工作不順利𣎴開心, 有D人因婚姻唔開心, 有D人因仔女唔開心, 有D人因健康唔開心, 就算是玩樂, 也有人玩得很不開心ｏ但全部的不開心, 都是思想上的事, 只要你放開懷抱, 不執着, 就可以快活過神仙了ｏ

我就見過有人患了癌症, 一樣吃喝玩樂, 縱情享受（因為己經不用為日後生活而愁了, 两腳一伸, 万事皆休！）一樣快活過神仙ｏ

有D工作上, 事業上受到挫折, 但放了工, 就將煩惱置之腦後, 要明白, 工作只不過是生活的一部份而己,  千万𣎴要咁上心ｏ

至於婚姻上的两夫妻不協調, 更加是常見之事, 只要自己能保持晴朗的心態, 一樣可以有好日子過的, 但一旦要強迫改變對方, 要令對方全部合乎自己理想, 就會注定不快樂了ｏ

愁來無方, 唱吓歌, 跳吓舞, 輕鬆吓, 明天一定會更好的. 是喜樂, 是憂愁, 都只是一念之間事矣！