910) 婚姻破裂的故事(一) (愛情)

              910)    婚姻破裂的故事(一)  (愛情)

                 (網絡轉載)  18.02.2014

    婚姻破裂既故事，總係時不時就響身邊既朋友身上發生。我大概已經lost count，我目睹過幾多單同樣既事情了。這些故事，因為第三者既固然有，因為錢銀既又有，因為婆媳關係既又有，甚至因為夫妻當中一方忽然改變性取向既都有。

儘管有著不盡相同嘅原因，但要從呢一大堆個案當中找共通點，唯一我能夠找得到的，就是這些妻子們，都係唔多識笑的。

事實上，佢地當中唔少都係漂亮既女孩子，即使生完三兩個小朋友，身材還是全無走樣，修身速度之快總係讓我嘖嘖稱奇。呢班女孩子嘅為人，老實講我同樣唔覺得 有咩大問題。肯為頭家為老公不辭勞苦，努力做個賢妻良母的也大有人在。當佢地老公忽然發瘟又話離婚又話分居，呢班女孩子自然係被受同情既一方。我又賢淑又 美麗又有學識，出得廳堂入得廚房仲要持家有道，你條中年發福既死佬走上大陸搞件初中都未畢業既妹妹仔？你係咪咁樣落我面呀？

                                                                                                 (待續)