識諗萬歲

人有時的確很奇怪, 有時無啦啦都會諗呢諗路ｏ

無無聊聊, 可以雲遊天外, 忘記了目下環境ｏ有時同D師奶傾計, 佢地會無啦啦講起做女果陣, 幾好玩, 幾好玩, 嘻嘻哈哈, 可以快樂上一陣子ｏ（咁簡單就可以快樂ｏ又唔拘噃！）

有時佢地又會諗住個仔大咗, 又會同老公呢度去, 果度去, 享受吓人生的樂趣ｏ睇佢地個冧樣, 就真係諗吓, 都夠開心矣！

思想的確是一件很偉大的事, 眼見有D人唔識諗, 或者諗埋一边, 於是乎, 就乜都唔好玩, 連做人都冇咗趣味！有時仲思覺失調, 自殺去也！（諗到覺得死佐好過做人！痴咗線！）

但有D就鬼咁識想, 乜鬼嘢負面嘢都當正面諗, 明明個老公衰到貼地, 又嫖又賭又吹水, 佢都可以快快樂樂過日子ｏ冇錢冇問題, 冇命都冇問題（癌症未期！）一樣思想充滿了陽光, 一片光明, 不望神佛打救！不求旁人憐憫！剩係識諗嘢就夠晒ｏ要乜有乜ｏ又唔駛錢！

所以只要搞通思想, 想D可以感恩之事, 就一天都光晒！乜事都冇！識諗萬歲！