曲壇記趣

唱了一陣子粵曲, 發覺曲壇很多妙事, 原因粵曲實在博大精深. 真係黃SIR窮一生的時光, 都未必得一窺鬥徑, 何况一般凡夫俗子呢？

所以就有以下的現象ｏ

有D稍為唱很好小小, 有声有腔, 音也準, 字也正, 已自覺天下無敵！男的就以為可以令全世界D旦排住隊請佢唱, 可以收介口了, 女的又係以為可以癲倒衆生, 成為歌壇寵兒, 人人拜倒佢石榴裙下了, 真係唔會照吓鏡ｏ痴晒線！

嘩！識埋鑼鼓, 音樂真係娃娃不得了, 直頭當正自巳係王粵生再生, 盧家熾重來矣, 可以為人師矣！仲唔扮晒大哥大姐, 嚇死人！

情况有如盲人摸象, 摸倒乜就噏乜, 做過戲班（下欄）已自稱大老倌教曲, 玩過音樂嘅又教曲, 唱過歌嘅, 一樣教歌, 所以任何人只要夠胆, 都可以做人老師！

我有個朋友, 跟咗個二胡王學粵曲, 學咗五六年, 連呼吸都未識, 唱！真係嚇死人！大佬！玩音樂未必識唱歌嫁ｏ唔通李雲廸可以做埋張學友咩？

有個老師仲過癮, 佢話佢亞媽係歌后, 所以佢得, 我聽佢唱, 嚇死人, 真係走都走唔切！但一樣呃倒人ｏ大把學生！吹到漲！

係羅湖新美姿部電梯, 周𣎴時見D樣衰衰嘅師奶, 大大声, 又話咁又話咁, 唔識俾佢嚇死, 識就俾佢笑死, 講到口沫橫飛, 又係冇乜料到ｏ

至於出SHOW塲合, 仲多笑料, 唱到鬼五馬六, 又同D 大老倌唱ｏ又鳳女姐, 又賢仔, 識咗D唱家, 就以為自已係唱家, 咁我黄SIR咪变咗粵劇北派一代傳人？哼！

有D出SHOW嘅人, 差到無倫, 可見主辨人, 飢不擇食, 咁都得, 無良之極矣！有D又係唔照鏡, 唱到難聽到死, 佢次次收錢, 買飛睇佢就真係前世唔收矣！

總之玩粵曲呢尾嘢, 如果唔保持清醒, 好易同呢班友一樣！