西葡雙牙

今次黄SIR同老妻同遊西班牙及葡萄牙, 我D靚師妹話我地去雙牙（鑲牙！）, 又話我地去西葡（西蒲！）, 無論去边, 我期望都是一次快樂之旅ｏ

黃SIR讀大學時, 曾經睇過中大联合書院劇社, 演出的一套改編外國名劇, 快樂旅程ｏ內容只是簡簡單單講一家人快快樂樂的一次旅行, 但時至今日, 依然有所感悟ｏ

其實人生很多時, 都是大家結伴同行, 大家享受互相關愛的樂趣, 倫理關係如是,夫妻關係也如是, 朋友關係也如是, 但有些人偏不明白快樂相處之道, 有D仲心懷不軌, 呃呃騙騙, 或者當別人是儍瓜, 做出一D損人又可能不利已之事, 實在可惜！

與人相處, 其實是一門很高深的學問, 我就識過一D人內心無毒, 但曾常講錯嘢得罪人ｏ有D人又自以為是, 無法與人溝通, 搞到人際關係奇差！有D人就EQ低, 乜都攬一上身, 不快樂！實在可憐！有D人以為宗教可以幫佢, 其實如果唔開竅, 信乜都死！不如信黃SIR啦！

其實只要記住, 我們的人生, 大家都是結伴同行, 互相尊重,  互相追求一次快樂之旅ｏ咁樣諗嘢,大家就會EQ高D矣！人際關係一定也會好D矣！生活也會開心D矣！

黄SIR9月24日至10月4日去西葡玩ｏ祝大家中秋節快樂！回來再在BLOG上同大家嬉戲！

請啦！各位！

記住呀, 快樂之旅呀！