生仔姑娘

俗語講得好, 生仔姑娘醉酒佬ｏ

意思即係, 話到尾辛苦一輪（生仔你知唔知係十級痛苦嫁, 醉酒又係, 又嘔又盛ｏ但人人話怕怕, 但又再生完又生, 醉完又醉ｏ）隔番咁上下, 又會再嚟過ｏ

今次黄SIR去西葡玩, 辛苦一輪., 回來一樣有咁嘅感覺ｏ

先一吐苦水, 才開始講西遊記ｏ

今次旅程（其實大部份跟團皆如此ｏ）日日玩成十二個鐘, 晨早六時半起身, 七時十五分收行李, 八時出動去玩, 一日坐車起確十一二個鐘去觀光, 加埋趕入住下一站旅店, 食埋晚飯, 往往十一二點才可休息, 可算高級走難生涯ｏ

坐飛機去法蘭克福成十二個鐘, 辛苦程度同生仔差唔多, 回程坐在三人座位埋边果两個位, 去洗手間要騷擾人仲惨！要忍到忍無可忍, 才出声求人讓讓！真係, 惨情！

坐長程車（三四個小時閒閒地, 最長六小時車程, 由西班牙往葡萄牙ｏ）如身體大小二便無二小時的容忍度, 真係苦不堪言！

有時走了數小時, 到了景點, 只剩五分鐘影張到此一遊相ｏ（例如葡萄牙最大的愛都賭場, 只能遠遠影張相走人, 因為法例規定司機不可超時工作！）不入賭塲, 黄SIR又點揾番團費呢？所以第一時間填了意見書, 呈上翠明假期, 希望改善一吓！

值得一讚是食住都算做得妥善, 行程多, 是賣點ｏ（一印佐, 唔去就有人投訴矣！）所以最好以後去一處, 同一酒店住數日（唔駛日日走難！）坐飛機不可超過八小時ｏ（似乎澳洲呀, 杜拜呀, 都得噃！）旅行咁就至正叻！