微微減辣
中港股市彈完美股彈。科網股及生物科技股大覆反彈,帶動美股顯著造好,杜指及標普500指數齊創歷史收市新高,杜指升112點至至16695點,升幅0.7%;標普500指數漲18點,收報1897點。納指跑贏大市大升72點至4144點,升幅1.8%。以全年計,到昨日標普500指數全年上升2.6%,杜指微升0.7%,納指仍跌0.8%。
美股朝早明顯抽上,之後在高位橫行到尾。科網股明顯反彈,Facebook 及Yelp漲超過4%, LinkedIn彈2.4%, 之前慘跌的Twitter大彈6%至33.94美元。
美股突然一彈,好多本來睇淡的交易員一頸血,大嘆唔明為乜會升。美國大市有幾大升因。第一,咁多人睇跌,自然好多人沽空羅素2000指數,挾淡倉係升的主要原因。早前跌得多的納斯特克互聯網指數升近3%,SPDR生科ETF升3%,都係跌得多挾得多之象。
第二,中國印度都升。中國上週五發報「新國九條」所賜。阿爺已經好耐冇出招刺激個市,股民見到有政策出臺,就好似久旱逢甘露,反應劇烈。最近跌到死死嚇嘅煤炭、電力股大幅反彈,推動漲停板,A股彈升超過2%。另外印度雖然無新國九條,但昨日股市大彈2.5%創歷史新高,因為大選結朿,按票站調查顯示親市場的Narendra Modi 應會勝出。
第三,全球債券都好,10年期國債債一度低見2.6厘,利率環境穩定。
而家美國主要指數一如我早前所料創咗新高,又睇吓有無力再上啦。
另外香港政府計劃放寛樓市辣招,其中最重要的,是放寬豁免換樓客的六個月換樓期計算,特別是在購買樓花方面,當局考慮將六個月換樓計算期限,由現時一買就計,改為等到入伙收樓時才開始計。
此舉會吸引更多換樓客買新樓,因為若買遠期樓花隨時有年幾時間慢慢賣手上的樓,仍可享受換樓低稅,但對想沽二手樓者不利。政府此舉有少少向發展商讓步,但同時可加快一手樓去貨速度。暫時睇唔到對樓市有好大刺激,亦唔覺政府會再大力減辣。
陸羽仁
陸sir早晨,唔知今日仲有冇得問問題?
在下之前聽陸sir講,17.8撈中左兩手688,想食個雞糊唔知老師覺得點食好呢?
子龍:
酷派前日出現一粒低位十字星,單睇圖今次企番穩的機會大啲。
動物兄唔知醒???
金融High Tea ---
阿爺出招市
2014年05月14日
美股再創新高,港股同樣錄得四連升,不過,港股上升似乎同美股關係唔係咁大,反而係因為阿爺不斷傳出有招數出台,昨日輪到內房股炒政策,個市升跌,同中央棄保邊個行業關係大啲。
內房炒阿爺出招,主要係有消息出街話央行和銀監會周一同15間銀行開會,要求積極引導房地產信貸市場健康發展,保證正常房地產融資需求,貨幣當局希望商業銀行能夠對個人住房按揭貸款合理定價,提高貸款發放和審批效率,不許停止個人購房貸款。市場覺得阿爺開始指住銀行要放貸款畀個人買樓,有利樓市,於是幾隻大型內房股率先炒上。中國海外(688) 及華潤置地(1109) 分別升4%及5%,同時成為升幅最大藍籌股。
內房炒銀行鬆放貸
前晚美股再創新高,港股昨日再升,我點解話同外圍關係唔係咁大呢?因為個市大幅高開175點,但跟住已見投資者趁機獲利,加上滬深兩市回軟壓力下,港股無力再上,恒指升勢回順,餘下大部份時間窄幅上落,只不過因為有內房等個別板塊造好,令指數錄得升幅,恒指收市升90點;國企指數收報9855點,升27點,成交金額507億元,成交轉淡,買意不強。除內房外,港府放寬「雙倍印花稅」換樓期限,續撐起一眾本地地產股,強勢股長實(001) 報133元,仲創咗一年新高價。
上個星期五•一後,基金借住黃金周賣樓放緩猛質內房股,陸羽仁認為佢哋被人咁沽法,短期唔使睇得咁淡,認為龍頭股好似隻中國海外再跌,反而可以考慮買吓。有中環茶友睇完之後話,陸Sir你使唔使咁勇呀,唔驚有人輸錢鬧你呀?茶友所講確係一個問題,所以我後來在網誌補番句叫大家量力而為。不過畀得意見,就要有自己睇法,先有參考價值。
陸羽仁覺得,中央要調整經濟結構,對不同問題要整治,但手法各有不同,好似開放利率,係改善市場的重要措施,就算對國企銀行有好大影響都要做,但做之餘阿爺又唔敢太急,因為怕銀行會頂唔順,所以內銀股跌到咁殘,阿爺又會搞吓嘢幫吓佢哋,順住呢個思維,股民對內銀唔可以有太大期望,但當佢哋跌得好急時,起碼短期就無謂再睇淡!內房情況差唔多,阿爺唔想房價升,希望樓市可以軟着陸,但樓價跌得太快,阿爺又驚對經濟有太大衝擊。
內地樓市在春節過後轉弱,發展商賣樓不太順,不過好多內房近一個月插到好甘,唔多唔少已經在股價反映咗樓市下跌的問題,如果股民係基金沽貨沽到開巷時減磅,咁有有可能變成低位沽貨囉。
長線投資講心理質素
中央調整經濟有又砌又扶,對不同類型企業有不同影響,但當個市插到咁上下時,又要等阿爺出招市。
在大插時,投資者自處方法,識得秤吓自己的投資對象,究竟跌到咁估值係貴係平?佢哋係阿爺政策定位,究竟係主力打擊、或者係好似內房咁又驚佢死、又怕佢活?確定咗自己投資對象的處境同價值,加埋考慮個人究竟係貨多或貨少(無乜貨可以勇少少),先做決定,方向感自然好好多。
𠵱家無論香港抑或內地,都係經濟換檔期,國家同公司都唔會有高速增長,係呢個時候你去買股,就要有長線投資的心理準備,乜係長線投資的心理準備,一係買咗要預捱價,短期唔等用的錢先用嚟投資;二係落注目標要物有所值,如果你有心儀對象,應該好似追求大家閨秀咁,要用耐性慢慢感動佢,千祈唔好用一夜情策略急急腳去搞。
陸羽仁
2014-05-13
Dow Jones Industrial Average (^DJI)
16,715.44 19.97(0.12%) 4:30PM EDT
夜闌人靜, 頭腦清醒一些?
大戶終結者 :
達摩 睇緊書 呢噢!
就快
大師也未睡覺噢?
請問網聚有無 設立 企位 架 噢?
大戶終結者 :
仲未睡覺 噢?
中銀月供價: (於05月13日)
291 22.30
688 18.78
2318 57.75
2800 22.60
3968 13.52
印度股市進入 牛三 了噢!
To:袋鼠
RE:小貓,只係作一點補充。 奧斑馬的父親是肯尼亞留學生,而母親是美國土生白人。他不是非洲奴隸移民的後裔。
睇睇吓都想插把咀… 雖然香港都幾多公主王子,但同時更有不少付出努力的人,而又面對這個社會是沒有『半斤八兩』的現實,呢班人係存在於香港的。
-----------------------------------------------------------------
多謝鼠鼠的回應。
小貓重點不是奧巴馬的血統,而是他的種族。
曾經被自稱上帝子民的基督徒國家,不當成人來看待的膚色,生命的價值比乳牛和馬匹還要便宜的種族,今天也能被認同。
何況和我們父母相同出生的內地人呢?
君候將帥本無種,香港新一代仍然相當年輕人(甚至小學生)有志向,積極上進又能柔軟地處理壓力下的各種挑戰。而且小孩子擁有的知識,相比我們以前,是有質的飛躍提升(相信有子女在學的父母都能和小貓一樣感覺得到)。
所以香港未來或者會發展停滯一段時間,但當新一代適應了新環境後,又能迎來新的發展高峰。我對香港未來不樂觀,但也不悲觀。對中國未來經濟改革也是如此。
另外很歡迎鼠鼠這種理性的不同意見。
(不知道為何今天香港存在一種緊張的氣氛,生活上或虛擬世界對他人的不認同意見都十分敏感。是沒自信的表現嗎?)
無用強爭高處心境多恬靜.....逃避四周欺詐隔絕人誘惑.....欲言無言無語
那如果企穩321...又唔介意的話....大家就買少少小酷仔吧....
港銀搶人幣 紛加定存息
http://www.mpfinance.com/htm/finance/20140513/news/ec_ecd1.htm
噢...今日忙到爆, coooooooooool今日一彈, 如收市能企穩321又幾好喎....
Coooooooool......
早排成班財演個個話五窮,會見21000低位就覺有的唔對路, 果然昨天就挾餐死
陸SIR早, 大家好~
成朝早只得一頁留言? 陸sir及各位c兄姐午安。
Good Morning All
陸sir & 各位:早晨!
good morning
各位早...小酷仔早
Good morning.