新中性
美股連跌兩日後，上週五尾市反彈。杜指升45點至16491點；標普500指數漲7點，收報1878點；納指升21點至4091點。總結全個星期，杜指跌0.6%，標普500指數靠穩，納指反彈0.5%。
美國小型股跟唔上大市的情況令人憂慮。Russell 2000小型股指數上週五跌至調整區（較近期高位低10%）附近反彈。不過，Russell 2000指數仍低過200日均線，令市場擔心細價股的長期頹勢，可能係更大範圍跌勢的前奏。Wedbush Securities股市交易部門董事總經理Michael James表示，上週五尾市後抽，係期權到期前的倉位調整所致。扣除這個因素，大市仍然上升乏力。
美國經數據依舊好壞參半。4月新屋動工107.2幢，增長13.2%，達到11月份以來最高水準，高過市場預期的98萬幢；4月營建許可更升至108萬幢，亦好過預期的101萬幢，創了2008年6月以來最高值。多家大行見到房地產數據強勁，紛紛調高美國第二季度經濟增長預期，巴克萊銀行上調20個基點至3.1%；高盛將增速從3.7%上調為3.8%。但係另一方面，5月湯森路透/密執安大學消費者信心指數只有81.8，低過預期的85，亦係2013年11月以來最低。
聯儲局繼續放風，管理市場對明年首季前後加息預期。聯儲局主席耶倫在上週四收市後表示，美國經濟雖然「仍然有很長的路要走，才能實現經濟健康。」聖路易士聯儲主席布拉德(James Bullard) 則預計，2014年剩下的時間，經濟仍然強勁。聯儲局的通脹和就業目標實現在望，近期內美國通貨膨脹率將會接近2%，意味著聯儲局唔會調整既定由收水至加息的政策。布拉德預計，聯儲局將在2015年第一季度末首次加息。
不過路透社引述對沖基金業界消息指出，前聯儲局主席伯南克兩月前出席一個演講時暗示，在他有生之年由聯儲儲局決定的聯邦基金利率，都不會重上4厘這個長期平均數。佢係講緊「有生之年」，即係預示美國經濟增長長期都慢，聯儲局開始加息後，都唔會在幾年內加上4厘。
「債券之王」、太平洋投資管理公司(PIMCO)首席投資官格羅斯(Bill Gross)於2009年提出「新常態」概念，用來描述2008年金融危機後經濟增長低於平均水平的時代，這種新常態亦反映在投資產品低回報之上。當時預計「新常態」將持續3至5年。
上周，格羅斯及PIMCO顧問拉利達(Richard Clarida) 又提出了「新中性」 (The New Neutral) 概念，將未來的經濟發展速度比喻為汽車卡在空擋（neutral gear）上面，指出全球經濟並未復蘇，經濟增長乏力。他們預期未來三至五年，歐元區經濟增長率將在1%範圍內，唔會超不過1.25%；中國則在6%至6.5%範圍內，因為中國需要更多時間，在不影響經濟的情況下試圖搞掂影子銀行問題；美國經濟增長的前景則比其他主要經濟體要樂觀，但未來三至五年內，不大可能會達到金融海嘯前的增長趨勢。這個「新中性」反映了全球總需求，仍不足以吸收豐富的總供給。經濟緩慢增長，正在制約全球各大央行，將其基準利率維持在較低水準。
對投資者來說，PIMCO預期未來3至5年的回報，債券年回報率或為3%，股票年回報率可能為5%。相比歷史正常水準要低，而回報較低的同時，風險又可能會低過預期。又預期「牛市行情漸進尾聲，但距離熊市還很遙遠。」
從債價睇嚟，市場近似PIMCO的看法，對經濟前景唔係咁睇好，估計利息難大升，所以債價上周創近期新低，美國10年期國債債息率上周四曾跌至2.47厘的七個月低位，全周下跌0.1厘，收報2.52厘，較年初的3厘跌近半厘。30年期國債孳息上周曾跌至3.3厘的11個月低位，全周跌0.12厘，收3.3厘。
UBS紐約交易主管Art Cashin話，10年長債的債息走勢係主要指標，近期債價上升債息下跌，其中一個重大擔憂係歐洲的通縮，美國的通脹率包括CPI 同PPI都輕微向上，但美債債息唔理呢個因素仲係走低，因為經濟指標混亂，債息下跌反映部份經濟分析師預計美國第2季有3點幾%、甚至4%增長的預期難兌現。
Art Cashin的講法同格羅斯講的新中性係同一個方向。若出現長期的全球性的緩慢增長，利息雖升又升唔到太高，咁又會係一個乜嘢局面? 無試過，要睇睇。
陸羽仁
https://hk.news.yahoo.com/90後學炒輪-鋪輸20萬-221152042.html
見到哩D新聞都有D心UP, 由其是我家姐個仔做左股票經紀哩行.
他在大學讀FINANCE或INVESTMENT(我唔係咁清楚), 在讀大學期間, 我覺得佢hea hea地, 這感覺從他揀大學開始, 最初讀city, 因理想科目入不到, 便揀讀其它. 讀左半個學期, 同阿媽講出年想轉別大學, 因想揀回理想科目和揀poly 明氣大D, 比city好!! 之後第二年轉左讀poly, 不過都入唔到想讀嗰科. 就讀FINANCE.
2012年畢業, 之後做過幾份工, 有份做滙豐, 在trading其間辭職, 轉左去做恒生, 因恒生職位高d. 但恒生問他有冇做其它銀行, 他說"沒有"!!! 原本恒生已經請左佢, 也指明日期上班. 但在上班前一星期, 便發信不取錄他.
他現在做股票經紀, 幫人客落盤. 自已也炒, 但他没資本, 叫阿媽開戶口, 他幫阿媽投資. 但聽聞, 現已經全坐艇中......
我覺得他有少少自以為事和從以上他做事的決定上有問題. 我冇直接和他傾, 只是提醒我姐姐要小心投資. 看見這新聞,我真的怕他投資會出事. 請問陸sir和各網友, 有無什麼意見和方法可提供給我, 好讓我提醒他呢! 謝謝
陸SIR: WOW... 又軍工, 又民航... 正呀...
陸羽仁覆網友
Muse:中移動派息本來好，美國又興買電訊股，本對中移動有利，但你睇埋今日的網誌，我都係對中移動有少少戒心，佢而家彈近250天線79.1元，我估即使升穿少少都難有大作為。可以先行沽出，要買和黃也不急，等和黃回番啲至好買。
姆明:我退任CEO後管雜事少咗，主觀上希望集中啲精神寫文，唔知得唔得。
Buddaau:中航科工從來都係半隻軍工股，佢有做軍用直升機，不過有槍架無裝槍，交貨俾解放軍後對方自己裝。
南瓜白雲山股績尚可，但股價之前太貴，所以去年10月見高位後一直回，但跌咗咁多仲係22倍PE，所以貴股一無人炒就回。不過你沽一隻22倍PE股票換一隻31倍PE的股票，係唔係好，我唔係好識講，我唔知你長定短，我怕香港網股跟美國網股，可能在未來3個月有一浪較大反彈後，又再沉下去。而唔係調整完再炒上新高位。這一切都和美國利息走勢有關，目前唔易估。
QQ
陆sir,早晨！手上有白云山换马金山软件，您认为可行吗？
內房不找數 中原遭拖帳10億
禹洲：部分城市賣樓收不到錢
增持現金
2014年05月20日
內地滬深股市挫逾1%，昨日港股輕微高開後即掉頭下跌，午後跌幅曾擴至157點。不過，大戶擺明係唔想放生淡倉，喺無乜好消息下，午後開始發力推番高個市，漸漸收復失地，最終更重返22700點上收市，收報22704點，只係微跌8點，成交縮至472億元，扣除華電國際(1071)
的36.33億元錯盤成交，實際成交436億元。
個市成交咁少，大戶要個市上就上，落就落，真係話都無咁易。傳統上，5、6月份係交投淡靜的日子，但好似今年縮得咁快，都係較為少見。有講法話係世界盃就嚟開波，基金經理唔揸咁重貨，遲啲就可以輕裝上陣睇波咁話。呢個講法唔可以話無，但就似乎係結果多過成因，個市無嘢炒，基金經理咪少啲落場等睇波，如果有嘢炒、有錢搵，相信班大鱷唔會咁早就等睇波啦。
擔心通縮 美債息跌
美股連日上試高位，但分析家同基金經理看法分歧，有基金睇好，但亦有基金增持現金。陸羽仁最近對一位美資對沖基金傾偈，佢透露已經將現金水平提升到5%，理由係憂慮美國出現通縮。通縮即係今日唔買嘢，明日會仲平，呢個現象唔止會係日常用品身上發生，仲會係投資工具上出現。專業投資者若然係發現有通縮出現，策略係增加現金，等佢更平時入貨，但咁樣即係話今日無乜人會買股啦，故此通縮係股市嘅敵人。
歐洲目前已經講緊通縮，央行出定口術話會出招，但美國經濟睇落好過歐洲，點解忽然都話驚有通縮呢？對沖基金經理話一個理由係人民幣貶值，因為內地通脹回落之餘，人仔匯價又軟，對美元貨品扭轉過去匯水月月上升的趨勢，成為壓抑物價的成因。如果細心啲睇，美國債息自從去年底攀升後，近月開始調頭回落，跌番落2.5厘以下，去到近期低位，顯示資金唔再擔心通脹，有錢流番入債市。
通縮係股票嘅敵人，陸羽仁聽完對沖基金經理呢個講法，留意到佢講通縮源頭會係人民幣貶值，咁樣會唔會影響咗外資對內地股市嘅睇法呢？第二季開始，北京容許人民幣雙向波動，匯價出現較長時間嘅調整，呢樣嘢同美國容許日圓大幅貶值有一定關係，內地作為回應措施，容許人仔匯價跌番吓，既有減壓救經濟的作用，同時可以打擊熱錢流入內地炒作的誘因，自從匯價波幅擴大，可以見到中央政府雖然無再大力出手壓抑房價，但內地樓市已開始慢慢退燒，相信呢樣嘢同少咗熱錢炒賣好有關係。
長和派錢贏歡心
外資對中國資產有戒心，陸羽仁睇得長少少，認為中國調整經濟，用內地術語叫做「經濟換檔」係發展中的一個過程，下半年當換檔逐步完成，增長有機會快番啲，由於股市會走係實體經濟之前，當最壞情況出現後，股市就有機會成功試底。
喺基金經理重視現金的心態下，有啲股份就成為贏家，好似長和系兩隻旗艦股份大派紅利，除淨之後就股價有力，和黃(013)
昨日又逆市上升，收咗息嘅股東自然笑騎騎。
和黃出售屈臣氏部份股權，套現之後將部份回籠資金回饋股東，佢阿媽長實(001)
仲豪爽，唔止將收番嚟嘅股息盡派，而且加多啲實行派突，令長實每股派息可以同乖仔睇齊。長和咁派法有乜玄機呢？有熟悉該系的老友話，長實喺年頭，負債比率只係得兩、三個百分點，後來賣咗啲樓，負債應該仲低，手頭大把錢，咁咪不如益吓股東囉。喺大家覺得現金購買力將來有增無減下，派高息呢一次果然贏到唔少基金經理歡心，於是股價咪漲完又漲，入咗嘅醒目錢呢次又食胡！
陸羽仁
2014-05-19
Dow Jones Industrial Average (^DJI)
16,511.86
20.55(0.12%) 4:32PM EDT
陸sir
手上有$86既中移動，見陸sir話長期偏淡，可否趁現在彈上$76沽出? 或者換馬和黃？
全日得衫板咁多。。。
陸sir,
謝謝你的回覆，我已轉告朋友了。
我覺得陸sir退任ceo後，寫的財經文章平均質量高了，可能現在較集中火力，以前兼顧雜務太多吧。
希望陸sir身體健康，工作愉快
呢位美少女唔會食窮郎喎
No.046 金粉少女 入手難度 ： A カード化限度枚数 ： 13
全身から金粉をふき出す少女。
１日１回の入浴で約500gの金が取れる。非常に内気でずっと家から出ない。
No.046 金粉少女 獲取難度：A 卡片化總數上限：13
全身會散發金粉的少女。
一日洗一次澡會取得約500克的黄金. 非常害羞的她終日足不出户。
(HUNTER×HUNTER)
真係好少人喎！!大户有冇貸在手呀？
唔係軍工股就唔係軍工股... 都係插...
越房冀UNIQLO帶旺商場 2014年5月19日
【明報專訊】越秀地產(0123)子公司越秀房託基金(0405)去年重點改造旗下6個項目之一、位於廣州天河的維多利廣場。
商場轉型主攻「快時尚」，全面翻新租戶，將商場逾三分之一面積、超過一萬平方米租給優衣庫(UNIQLO)開設旗艦店。
副行政總裁程九洲表示，優衣庫今年3月底入駐後商場人流較去年大幅提升，至6月底維多利廣場出租率將達100%，看好優衣庫帶動整個商場租金上漲。
有別於其他商戶，維多利與優衣庫簽訂長達10年租約，同時優衣庫是越秀房託中首個採用「保底＋提成」模式收租的租戶，即在保底租金和月銷售提成中兩者取高。
陸sir/金曹sir/戰友們.......good day，
在分組交流(2:30至3:30)上有小小提議。如能預先分組/分檯，應可大大提高交流效率和探討目標。組別例如: 大市值股、中小市值股、人氣焦點股、期指期權、窩輪牛熊証......等等。
Thank you for yr consideration。
人呢?
唔通都跟埋暴力哥上前線? 
溫馨提示：陸羽仁財經博客5月25日網聚， 風雨不改。當天出席網友如想分享投資人生， 請預備一下，用最多3分鐘的時間，講講自己最成功和最失敗的人生經驗，不一定要講股票，那些年的事，結婚生仔揾工買樓開鋪移民，都可以講一餐。人生無take 2, 有的事總會有很深的感覺， 講出來可以幫到人又提醒自己就最好。
2015年5月25日網聚流程
12:30 點名、聯誼
12:45至1:15 短講：投資人生（陸羽仁）
1:15至2:30 用餐、抽獎、網友分享投資經驗
2:30至3:30 分組交流
地點：江山笑
香港金鐘道89號力寶中心一樓商場2B舖
(港鐵金鐘站B出口)
最新確認出席名單。如已付費但見不到你的名字、筆名，請盡快通知金曹 jin.cao@hotmail.com 跟進。如你不在名單上，當天工作人員會拒絕讓你進場。候補網友會個別通知、但現時看機會很微。將會盡快安排下一次更大型的網聚。
5月25日網聚最新消息：
http://blogcity.me/blog/reply_blog_edit.asp?f=IGHCKEJP8M22369&id=627786
Brother buddaau...
That's why big friends do not like buying CHina equities...
Cos Grandpa market is extremely unpredictable...
While US Yellen blowing job consistently entertaining the market aka big friends...
SIGH...
動物兄: 暴力哥可能去左南海或者雲南STANDBY...
Why brother violence no show???
Grandpa does not pay him???
SIGH...
各位早晨
各位早晨
肥奧: 唉... 所以隻股係咩唔緊要, 最緊要係市場覺得佢係咩...
陸SIR & 師兄姐早晨~!
BUD兄, 之前都話左佢係軍工概念嫁啦.....
搞下搞下大飛機竟然變左軍工股, 打杖機會越高, 佢就越升, 苦呀...
Buy A50 2823... "mo tak she"...
SIGH...
Good morning.