捕風捉影

人的思想真的難以估計, 有所謂無限上綱ｏ人與人之間的誤會, 很多時都是產生於捕風捉影之中ｏ

例如有時两夫妻, 老公返工時忘記了講低今晚有局, 不回家食晚飯, 而老婆又不忿去打電話問清楚ｏ

於是不回家吃飯, 就可能想到, 老公在外边包二奶, 同二奶食, 唔同自己食, 豈唔係, 自已整D餸不及二奶呢（有冇二奶己經不重要了, 唔返來食飯, 又唔出声, 當個老婆死架？豈有此理！罪大惡極！）

一於離婚！於是打電話俾三姑, 又致電亞六婆評評理, 喊到隻乙咁, 真係淒諒個淒！

跟住就諗到, 個死佬咁鬼衰, 不如剪爛佢D衫囉ｏ 開始了偉大的報復行動！

繼而諗到條衰公包二奶！𣎴如自己都包二佬囉！坐言起行, 化個靚裝, 着件最性感的衫ｏ（好似跳拉丁舞果D露咗全身八十個巴仙的舞衣！）離開這個缺乏温暖的家！

此時此刻, 老公出現ｏ 吓？乜咁正呀老婆！今日唔記得話低, 放工我同黄SIR飯局添１（黄SIR飯局即代表至正氣的飯局也！利害過志雲飯局！）

你話D女人捕風捉影, 死唔死吖？娥皇都瓜直啦！