冷戰夫妻
2007/10/17 10:45:50
網誌分類:
生活
有時見有D夫妻(先始聲一定唔係黃SIR!咪捕風捉影!)無啦啦都會發晒癲,变佐水溝油, 可能原因只不過一個話向左行啱!一個話向右行啱!(其實地球係圓係, 兩個都啱!)
但如果雙方都冇智慧, 又EQ低, 就開始了傷害對方的行動, 通常第一步就揾D三姑六婆評評理, 三姑六婆多數係八婆, 唔知頭唔知尾, 冇事都變有事(人叫你評理, 會唔會講D自己蠢, 自已無理之說話吖?)o
撞着個開花店嘅(又一定唔係秋田!咪捕風捉影!)就會話如果個死佬, 天日唔送花道歉, 就一於離婚!(嘩!寧教人打仔, 莫教人休妻!(𣎴過而家係休夫!)咁都得!)
有D仲毒, 一於今晚分房瞓o(或者間屋得一間房, 就趕佢瞓廳o) 唉!連黄SIR名言, 床頭打交, 就會床尾和都冇啦!床上解决倒好多問題嫁馬!
於是開始互相進行傷害對方行動, 一方可能剪爛晒對方的衫, 破壞對方電腦(仲利害過電腦病毒!)另一方就承機外出荒淫!(荒淫咁過癮!仲唔承機乎?)包二奶去也, 可能一個唔該, 開枝散葉添!你話死唔死?
結果就是, 只有離婚套餐888才可以解决!
其實天下本無事, 庸人自擾之o冇旁人推波助瀾, 冇外國勢力介入, 可能两人三朝两日, 諗通咗, 咪一天都光晒囉!
边有人蠢到成日無限上綱, 唔揀開開心心過日子嫁?蠢到死!
香港地離婚率好高啊! 時代變啦! 以前盲婚啞嫁都可以白頭偕老 而家自由戀愛就兩三年就換一換 好似傳染病咁 你咪話唔可怕啊!