不上街的後果
重陽，一定要到街外走走，就算是登山避禍了？
意粉沒有上街，原來真的會招至禍患！今天要補上街 ＝〕
話說……
１． 意粉在找食物
２． 爸爸說一定是吃飯時吃不夠
３． 我說吃飯時吃夠，但溫書做功課很快會餓了
４． 他說……
「我在看電視，唔好嘈」。
事實上係佢多事。
我搵野食又關佢事？而且－－ 佢成日咁問架，大概日日都咁問……所以意粉覺得係佢話我先，佢成日搵機會捉人錯處，成家人都知，佢識話人唔識話自己呀！ 意粉至少會同大家講自己係個衰女包，但佢永遠唔會認錯！
另一個重點，
係我跟本唔係嘈！我係回答佢講既野～～ 咁都話我嘈，我係咪要唔答佢，唔講野算？ 一家人冇交流點得架？ 不過，２０幾年來，又真係冇真正有效既溝通過－－ 我哥哥都覺得佢唔識教仔女同埋唔識同人相處；意粉同意粉媽都覺得佢ｄ仔女咁自私係佢「榜樣」成咁架！難怪我小學時唔識同人相處、唔識睇諒人。
（講到個嘈字，全世界都知佢最嘈！講野大大聲的，又成日打擾人）
又一個重點，就係：佢睇電視緊要，定個女緊要？
（意粉睇電視，成日俾佢個肥肥的背影阻住；佢又成日嚮人睇電視時講野，我地都未話佢嘈！ 做人呀爸大晒咩？ 時代唔同ｌａ，你都會做錯野都係要改架！ 不知錯又不肯改，鑽牛角尖……）
個女同佢講野，只係回答佢問題；本來冇想過打擾佢，咁佢係咪惡人先告狀丫？ 細個既時候佢返工已經唔理我地～ 佢放假搵朋友飲茶，又唔理我地； 佢學功夫果ｄ，又走左去，又唔理我地！
唔係點解意粉初中就覺得自己個家冇咩父愛丫？ 愛係有，但佢唔識愛，我地都好難識去愛佢呀。
講到呢ｄ，佢就話我再講埋ｄ錯野就要罰零用錢。好，横掂唔係第一次－－２００6年５月剛剛被旅行社炒左時，好唔開心，加上成日都會同爸爸吵架，前男友（當時未係男朋友；之後只拖過手仔；佢送埋玩具戒指俾我都俾我甩左－－因為我只係需要人陪而唔係愛佢－－我認我係好衰，卻因為俾佢追得唔應承仲煩）約我出街我即時應承，當係走難（私奔……）； 有一日又同爸爸吵，我以為以後有前男友就夠，先唔理爸爸唔再俾零用錢我 （因為未搵到工佢都俾少少）。
至於依家……
意粉賺既錢都用來俾學費，但之前有儲零用錢，用得一時的；再唔係咪又唔出街ｌｏｒ！ 鏗到好多架～～ 仲有－－意粉可以問哥哥借錢。唔使擔心喎！
０６年５月開始變左隠閉少女。
住咁遠，出去玩又要錢；
幸好今日早就約左朋友做訪問，又可以走難…… 朋友，記住請我食意粉屋既野食。
成世都未食過呀！ （朋友，意粉講第三次係ｍａｋｅ ａｐｐｏｉｎｔｍｅｎｔ而唔係ｄａｔｅ呀，唔好想錯隔離～～ 嘻）
點解唔係意粉請個朋友？ 意粉俾左３個選擇佢架－－第一係意粉請吉野家；第二係自己俾自己；第三係佢請 
～
