佔中影響勿睇少
佔中停不了，國慶同重陽長假期，港股休市，對港股的實際打擊，有幾大劑？暫時未知，估計凶多吉少。遠至地球另一邊的美股，災情已經見到，杜指在佔中期間的三日內，勁跌超過340點。如果傳聞話佔中有老美在幕後搞鬼，係堅料嘅話，美國人今次可以講係搬石頭砸自己嘅腳啦。
美股昨日有賴小型股卒先反彈，大市企番穩啲，杜指只係微跌4點，收報16801點，標普500指數靠穩，收報1946點，基本持平，納指逆市反彈，微漲8點，收報4430點。
有「末日博士」之稱的紐約大學教授魯賓尼（Nouriel Roubini）日前指出，依家有三個潛在危機，將引發全球金融動蕩，痛擊目前對美股前景仍然信心爆膨的投資者。其中一個就係香港局勢。佔中搞到香港經濟亂過九彩，損失慘重，單係酒店業就日損過億元，加埋其他行業，例如重創嘅零售業，就不敢想像啦。更重要嘅係香港局勢混亂，勢將分散中國搞好內地經濟的注意力，唔多唔少拖慢中國經濟的經濟步伐。
第二個危機係俄烏衝突或敘利亞衝突升級。市場目前普遍認為俄烏衝突、敘利亞內戰都不會升級或擴散，魯賓尼認為市場的評估可能是錯誤的。因為「普京權力在國內面臨挑戰，他的應對措施可能會更加激進。而敘利亞局勢趨於崩潰，正在破壞約旦、黎巴嫩和土耳其的穩定。」第三個危機係歐美各國正積極打擊ISIS（伊斯蘭國）組織，難免迫使這些恐怖份子作出復仇行為。考慮到數百個伊斯蘭國聖戰人員持有歐美護照，他們隨時可以在歐美境內發動恐怖襲擊，魯賓尼指中東亂局還未震動投資者，但歐美只要發生一兩次恐怖主義襲擊，股市重創程度難以估計。
美國昨日公布的就業情況十分不錯，最新一周首次申請失業金人數28.7萬人，較對上一周減少6千人，好過市場預期的29.8萬人，而美國企業9月計劃裁員人數大約3萬500人，創了14年新低。美企今年初至今，已宣佈計劃裁員約36萬人，較去年同期下降6.2%。當中裁員人數最多的行業係電腦業，宣佈計劃裁員4.9萬人，較去年增加近倍。就業情況不錯，但8月份的工廠訂單卻減少超過一成！叫人失望。
高盛將美國第三季度GDP增長預期值從3.1%下修為3%。不過仍遠比標普機構預期的高好多，後者預期只有2.2%；預期中國經濟增長7.4%，同阿爺的預期目標7.5%差唔多，最弱係歐元區，預期今年經濟增長只有1%。
事實上，美國就業數據持續好轉，前兩日跌得咁勁，超賣嚴重，但昨日反彈乏力，主要係市場對歐央行行長德拉吉感到有點失望，覺得他的實際救市行動，並不如口頭講的咁激。歐洲央行昨日宣佈維持0.05%的主要再融資操作利率(歐元區主導利率)不變，邊際貸/存款率依次維持於0.3%、-0.2%不變。
德拉吉表示，購買ABS(資産支持證券)和擔保債券計劃（類似美國的QE）的細節已經確定，計劃至少將持續兩年時間，由今年第四季開始，購債計劃規模約為1萬億歐元。德拉吉指出，兩項計劃加上9月中旬通過首次TLTRO向市場注資826億歐元，將對歐央行資産負債表産生很大影響。德拉吉嘅一萬億元QE規模，其實與他此前所講嘅差唔多，不過，市場見歐元區經濟有走下坡傾向，至9月份的調查數據反映經濟增長動能已經放緩。自然希望德拉吉會宣在加碼救市。但現實係，德拉吉未必唔想加碼，但身不由己。例如德國經濟研究機構IFO主席辛恩(Hans-Werner Sinn) 昨日表示，歐央行採購ABS和擔保債券的計劃超越了其使命範圍，敦促德國政府採取行動阻止歐央行的採購。投資者不滿德拉吉的救市措施唔湯唔水，就踩了歐股一腳勁嘅，歐股昨日大跌2.4%，其中德國挫2%，法國更勁插2.8%，歐洲跌得咁慘，美股彈唔起，都好易理解啦。
陸羽仁
陸羽仁覆網友
Little mo:大市有政治風險，若貨多要小心控制風險，貨少無所謂。
你家人的貨有些有賺，升得高，可減，如968信義光能, 入貨價約$2.53，現價2.63有錢賺可走。188 新華匯富金融, 中等貨量, 入貨位約$0.18，唔使輸，可走。2211金天醫藥集團,有錢賺可走。388, 入貨位約$180微蝕，反彈至可走。
另外555輸咁多無計。理文造紙不用急入。
愛心達摩：看到人民日報連出四天，我真係擔心解放軍到。
陸sir:
萬科$14入, $15.04放. 雖然未及10%回報, 但見你講股市機中有危咁, 以持貨兩個星期計, 都係有錢執左就算。 下次係咪去返$13.xx先好再買入呢?
另外, 想問下, 中廣核美亞今日去到$2.2x, 成交額有成4.7x億咁多, 係咪可以睇成莊家股, 有大戶舞緊上去呢?
國慶假期睇哂陸sir兩本著作, 真係獲益良多!!!
謝謝
陸Sir,
你好 !
你見意趁10月反彈時減貨, 我家人有以下股票, 請問是否要在10月時放彈放了它, 或是要現階段？因為滬港通變成得番五五波.
968信義光能, 持有少量, 入貨價約$2.53
188 新華匯富金融, 中等貨量, 入貨位約$0.18
555, 大量倉貨, 這個股, 家人虧了很多, 不捨得放.
388, 中等貨量, 入貨位約$180
2211金天醫藥集團,持有少量, 入貨價約$2.53
2314理文造紙, 持有少量, 入貨價約$4.55. 最近 , 它曾出現$3.98. 如再次跌破$3.98是否可再購入?
135昆侖能源, 持有少量, 入貨價約$11.5
謝謝指導
貴嘢莫長揸
2014年10月06日
上周末與中環茶友食飯，話題都離不開佔中。吹水期間股市樓市，樣樣投資產品都有提到，不過，說到底，人命關天，大家都希望佔中事件最終能夠善罷，不會發生流血事件。風波可以和平解決，已經好開心。投資賺唔賺錢，都沒太大關係。
大家講起上周五的反彈市，捱沽捱了整個月的港股終於反彈，有人稱之為絕地反攻。恒指當天開市即插241點，好快又再跌多126點至全日最低的22565點，大市已經大跌367點。正當淡友騎騎笑之際，恒指開始回升，而且愈升愈有，至下午兩點多，已經大幅反彈超過580點至23147點，尾市略為回順，收市倒升131點至23064點，收復兩萬三大關。
大家講到個市係唔係已經見咗底。陸羽仁插嘴，股市反彈，可以彈得幾高？維持得幾耐？甚至能否扭轉劣勢，見底回升，由反彈市變番上升市，關鍵在於佔中運動能否迅速得到解決。陸羽仁不覺得可以速戰速決，若政府清場，事件也不易平息，後遺症極大。若不清場，又會曠日持久拖下去。
只屬反彈 仍未見底
如果事情不能夠快速全面平息，股市只能反彈，不能夠轉勢上升。大市由高位回落超過兩千點，彈番一千幾百點，毫不出奇，這就好像拍皮球一樣，你拍大力一點，皮球跌得重，反彈時會彈高一些，之後還是愈跌愈低。如果這個市的本質是一個反彈市的話，大家便不能寄予厚望，以為後市還會不斷向上。炒反彈市的秘訣是：有得執就執，切勿大貪，小心貪字變成貧字。
同中環茶友吹水，大家最關心的問題，還是佔中事件如何影響經濟。陸羽仁雖然沒有能預知未來的水晶球，但擔心這件事對本地經濟將造成長久而深遠的影響，因此大家要小心為上。茶友即時追問，你陸羽仁常常叫人小心，小心有甚麼原則呢？
我覺得原則很簡單，就是不要長揸貴貨。特別係當市場存在有三四成機會出現宏觀轉勢的時候，最大的風險，就是持有貴資產，包括貴樓貴股票。「貴」是甚麼意思呢？如果我們期望所持有的資產的合理回報是起碼3、4厘，現實上卻只有1、2厘，又不見得其收益(或生意)可以快速增長，便可稱之為貴貨。
樓價很貴 市亂勿搶
現時有很多物業都屬貴價資產。反映樓價的中原城市領先指數最新報128.14點，再創歷史新高，平均樓價比1997年7月樓市高峰期還高出28.14個百分點，這還不算貴？千萬不要誤會，以為我叫大家馬上沽樓，特別是自住樓，你沽出之後，短期可能很難再買回，就出現捱貴租貴過供樓的慘況，唔易捱。我的意思是現時不是買樓作自住或長揸投資的時候。現時這種市況，都有三四成機會出現扭轉大市的黑天鵝，一旦出現，你買的樓又貴，下跌的空間及幅度會較大，不容易走得甩。
成街都係示威者，但新盤照開照賣，上周六共開四盤夾埋賣咗478伙，共吸水逾50億元。當中包括兩個新盤北角柏傲山及馬鞍山迎海． 星灣御，貴價盤柏傲山沽出129伙，平均呎價約2.7萬元，你話貴唔貴呢？
股票也是同樣道理，持有入貨價比較低的股票，利息回報率較高者，即使個市再插也可以長期持有，等待大市回升。如果揸的是高價買入的股票，特別是三四線炒股，無乜息派，大市跌佢就大插，你將會很頭痕。所以，整體理念是要避開貴貨，不要估計這場佔中風波可以好快好圓滿地解決，後遺症好大，要保持一個控制風險的心，覺得錢是賺不完的，即使錯失了今次的反彈，以後還有很多機會，才是一個比較合理的心態。
錢賺不完 價高勿博
大家都知道，陸羽仁不是炒友，睇我的專欄，不會炒作發達。我主要是教大家保本增值，要訣是適當地衡量風險。我不嫌老套，也拾股神巴菲特的智慧：「在別人貪婪時我恐懼，別人恐懼時我貪婪」。但要正確理解這兩句話，好多時候，真的需要有恐懼的心。當別人恐懼，掟資產，資產價格變得好低，不妨買些。關鍵是要價平，剛開始跌少少，未夠平，執咗要喊三聲。
另外講講內地樓市，近日有鬆綁跡象，人行上周二宣佈房貸新政策，業主還清第一套房的貸款後，購買第二套房，首期由此前的六成大幅降低到三成，房貸利率也由1.1倍降到七折。在已取消或未實施「限購令」的城市，擁有2套及以上住房並已結清相應購房貸款的家庭，也可申請貸款購買第三套住房，首期比例和貸款利率水平，由銀行因應借款人還錢能力自行決定。
內房救市 投資勿急
廣州樓市政策可能更加寬鬆，目前買樓數目以家庭為計算單位的做法，可能改成個人為單位，換句話說，一個家庭、一對夫婦，以前只能買兩套，現在最多可以買四套房。另外，又會考慮放寬外地居民在廣州買樓的限制。樓市鬆綁消息傳出，內房股上周五全線猛彈，綠城(3900)
宣佈加樓價5%至10%，股價急升8.94%至7.92元；富力地產(2777) 
也大彈8.03%至8.48元。
內房股此前跌得太慘，反彈空間也會較大，不過我覺得現時購入內房股，也只能短炒，要懂得適時轉身才好。若不是炒友，不如等待大市再跌，內房股價再插深啲時才買，值博率會更高，因為佔中對大市仍是一個未知之數。
有很多人問，香港佔中與內地股票、內房股有甚麼關係，按理H股不應下跌？沒錯，佔中對內地股票沒有直接影響，但外國投資者怕你市場不穩定要撤資，大戶要沽港股，整個市場都會受到影響，全線股票都會下跌，分別只是本地股票可能跌多一些，H股相對跌少一些而已，殃及池魚，確實有點無辜，卻也沒辦法。
陸羽仁
以和平為最高意願，大家唔好再分立場，唔好再分藍或黃絲帶。
唔好再轉戴負面的消息，唔知真定假，現時消息滿天飛，唔好引起自己的怒火或其他人的怒火，先將火氣降低，為和平努力。
就算對社會有咩不滿，現時都唔好再上街啦，減少雙方的磨擦。
係合法合理合情和平理性的情況下表達意見啦。
請在街上的示威者回家啦。若果有親友係示威者，勤佢地番屋企啦。
請勤學生回家啦。人多，容易亂。
為香港的和平努力。
這裡真係好有素質，很多師兄姐都可以客觀分析事件，亦會想出提意及想到最壞後果，亦會理解到雙方各自的立場。我在FB見到有很多支持者一面倒的去睇事情，真有點偏激，完全沒理智的去想想後果，或這樣做所帶來的影響。從來沒有否定過學生(大部份)的和平，理念，堅持，只是理念正確，方式不正確便會得不到全部/大部份人的認同。老實講我對這個政府和CY都有很多的不滿，我都明白社會有很多怨氣，但都不認同用這種以影響別人正常生活及擾亂社會秩序來作威脅。
阿銀金句: 我有一個夢想，無論示威者執法者，不分你我；我有一個夢想，香港人唔好打香港人；我有一個夢想，示威者和平撤退；我有一個夢想，政府快啲展開對話............
習大大 擒拿油虎周永康
現在又殺出 另一個 周永康
唔知 習大大 會點想法呢?
最怕改壞名
好叫唔叫... 叫周永康...
我覺得...最後可能有一個結果...
就係軍隊真係要出動的關鍵時刻,
社團幫會可能會全力出動自己清場,
避免件事真正攪大。
依家d社團其實好留手的了,真的想動手,
聲東擊西,把警察引開,淋電油放火,連人帶帳一起燒;
或直接推撞時,後背無間道插刀;
又或者等人去厠所時,拉入後卷;
甚至跟人返屋企,等無人時下手...
反正處理方法多得很。
現在明刀明槍只係想嚇走人,以最低武力解決事件,
但年輕人還以為自己能企硬下去,真的要對著幹,能嗎?
如果關鍵時刻,為了所有人利益,全港社團合作起來,
(或者股市佈處好...或者是做好期指淡倉吧..)
流血清場,不一定是一種模式的。
黑社會在香港咁多年,能處理,早就處理了,別以為警方包疪黑社會,
黑社會人數上,絕不比佔中的人數少,警方如何拉呀?
有朋友參加緊的,千萬要小心呀。
陸蛇:
解放軍 會唔會下來 解放香港各區 呢噢?
我都希望能夠對班大學生寬鬆處理，但係佔中十子呢鑊點都要付出代價㗎喇。
見到隻癲狗講保護學生，hi auntie，佢有乜向左走向右走本事保護學生呀？隻癲狗hi hi當啲學生係開心好幸福。
PS 請用高登filter
達摩要減少在香港的投資 呢噢!
藍風，看來餘下時間不多。
就算是狼來了，也不要太開心，只是更不能預示狼可時真的來。
此外，只要沒有任何暴力，袋鼠估計警察和平清場之後，多數不予起訴。問題是班友仔當警察係仇人，多數不理會佔領中環行動的宗旨，而施以暴力拒捕。
全部都壞事在上星期日嘅催淚彈，一個壞嘅開始影響深遠。
依家兄，本來袋鼠想遲啲先至寫，不過而家就當係大家傾吓計。
當然好怕阿爺來個一了百了，不過就算這幾天香港能在困局中走出來，跟住手尾都長。其中一個可以撩出嚟，就係23條立法。
本來而家嘅佔中行動，若果用來反23條，將會是名副其實嘅公民抗命。而家班友根本唔明白公民抗命而亂用，倒過來示威者激起民憤，隨時全民支持立法；若果原本的所使用的抗命變成立法基礎，十分諷刺。
講埋另一個浪費抗命工具的行為，就是年初長毛『拉布』。日後大把嘢比施政報告更大劑，但有了『剪布』，拉布將不會太有效。同樣地，經此一役，香港沒有人可以有本事再使用公民抗命作為民眾政治工具。
極之浪費彈藥。
喺日本嘅颱風唔該快啲吹過嚟呢邊喇。
袋鼠兄，在下覺得有相當部份既香人都係“講道理”既人，當大家見到“唔講道理”既事就會企出黎，hktv如是，催淚彈如是，依家既暴徒打人事件如是，示威者覺得道理係佢地果邊，堅持死守，警察又覺得佢都有道理，佔中本身就違法，依家警察唔執法拉你，你比人打，又要警察黎執法，咩道理？兩邊都有道理，各不相讓，最幣係北京睇電視，見到你地香港人係街頭打來打去，仲唔係分裂國家？北京又有佢既道理！
在下只能希望其中一邊，或者唔知邊度跳個猛人出黎，睇清個局，遊說雙方溝通，大家都好下台，又或者，希望警察係最少人既時候先用最少武力枱人走，將傷害減到最低啦
依家兄，睇電視，啲警察好高調去兇啲疑似古惑仔喎 (似粉友多啲)
希望唔係只係搞壞另一種警民關係
警察難做
岩岩先睇老師篇文，旺角既示威者主要係抗議黑警，抗議警察包庇暴徒，呢好可能係誤會，但兩邊冇計傾，警察唔肯詳細交代，群眾堅持正義死都唔走，北京睇電視以為香港人想分裂國家？！？！
在下諗起細個睇“點解咁好笑”，黃一山行街打左個乞痴，咁岩吹到d唔知咩野，又搞到唔知咩人禁左個唔知咩制，最後仲搞到恐怖份子宣戰，最後變左world war 3, 細個睇果陣覺得好笑，依家愛港力打人就黎升級到分裂國家啦，愛港力出幾多錢？幾百幾千？如果最後因為咁搞到解放軍開坦克屠城, 咁點算？
希望警察大佬考慮下在下既建議，詳細交代暴徒事件，或者高調邀請愛港力人士協助調查，又或者，最低限度，試下同示威者談判下，睇下有冇彎轉，唔好再擺官威，講官腔啦
依家兄，如是者，他們真的沒有領袖，他們所說的，已經不屬於佔中嘅訴求了。
剛才留言刪除提醒佔中集會者，佢哋和平集會的宗旨，因為不少人已經忘記不少細節，尤其是見你提及熱門討論區的情況，但係算把啦。 高登女神有沒有能力去遊說呢？
話時話，等有時間，袋鼠期望睇女神在迪迪尼動畫《Frozen》的聲演。
講起愛字頭，袋鼠都好鬼火，早兩日講風涼寸番網友，因為網友睇唔清楚袋鼠鬧緊啲愛字頭，過去十七年嘅癈話。(星期四晚仲未有『愛字頭』這個名詞)。
可以有好多嘢講，但係燃眉之急，講啲無乜即時幫助到嘅嘢，袋鼠自己覺得又唔係咁好
前主席,
但個形勢可能出紅天鵝!
扒地攬實著校服裙既學生妹隻腳，係新 聞鏡頭前面當眾揸女人個波，起勢狂踢用身體保護學生既示威人士，全部有片有真相，可能警察已經做左野拉左人，係既話就具體交代啦，旺角示威者覺得警察遍幫暴徒既心情絕對可以理解，雖然在下都分析過應該係誤會，但既然係誤會，點解唔敢具體點應？仲要擺官威，大聲講冇警黑合作，又唔講detail, 就黎攬炒啦，仲擺官威，攬炒完佢個官都除時冇得做，定係達官貴人有晒英美護照，香港既將來who fuxking care? 橫惦做咩都係下一代賣單？
話時話愛港力班x街真係好克人憎，如今既局面，佢地要負八成責任
袋鼠兄，在下一直跟進熱門討論區既留言，旺角示威者覺得如果撤退就係等於向黑警，黑金政治屈服，所以寧死不屈！
在下都好希望黑警事件真係誤會，政府最好高調調查，申張一下正義，等示威者覺得贏左，咁d人先至會散，依家d人係果度“為正義而戰，對抗黑警，對抗暴徒！”如果格硬清場，果度既人有幾唔服？留下既傷口有幾大？可能以後警察一行出街就比d後生指住話係黑社會，呢件事唔可以唔出聲，因為網上面影片真係太多，鐵証如山，就算真係誤會，都水洗唔清
人民日報的立場是不中立,這是千真萬確,因為這是黨報
人民日報這樣寫,代表了中央的立場,所以很有參考價值
現在就是最怕中央把香港的問題看大了,
即使香港700萬人一條心,中央如果要把700萬人趕出太平洋,
相對國家分裂,都是值得的犧牲,如同您們覺得爭取民主,
犧牲旺角的居民是值得一樣。
大家別再賭下去了。
真是無空間............下跌!
大戶夾佔中一齊......先殺好友, 再低價買進..........應該無錯!
http://bastillepost.com/hongkong/%E6%94%BF%E4%BA%8B/%E9%A1%8F%E8%89%B2%E9%9D%A9%E5%91%BD%E6%B4%97%E4%B8%8D%E4%BA%86
陸SIR...講的風險越來越大了..
依家兄，你講咗袋鼠想過好耐嘅一句：『幾十年後我地退晒休，到時係我地問依家既學生攞家用』
銅鑼灣及旺角是由催淚彈轟出來的，因為路途被阻而另起爐灶，否則啲示威者多數會直接前往金鍾/中環。
若果689係接聖旨，那麼可讓步空間不多。
以退為進 方為上策. 佔中三子請把握機會
上高登睇，旺角班鐵血戰士士氣高漲，人人仲講緊黑警，在下建議政府成立高等級獨立調查委員會，有icac去chair, 全面調查有冇黑警，如果冇就還警察一個清白，派一個月人工bonus比警察賠罪，如果有就……
學聯同學民都話冇叫人撤離，政府讓多步啦，當面具體交代暴徒已經拉左，全面檢討政改推行方式，重新咨詢，再搵d勁人去現場講下道理啦
旺角又有燶味
部分旺角集會人士開始撤離
對政府很失望~
叫大家離開的學生是警察假扮的 (己被人發現了)
愛港人士是警察扮的
接受電視台訪問說未能上班的政府員工是電視台演員
政府的手法太差了吧! 真是上樑不正下樑歪
學中共說六四是西方拍的電影一樣
有圖為証
http://www.imageupload.co.uk/image/I4q
soho兄，在下都認為係玩大左，佔旺佔銅都係不智之舉
藍風兄，梁班子表現如何，真係要問問佢老細習大大點睇啦，不過搞出咁多個大頭佛出黎，斷估都唔會好滿意掛？想當年老董都比胡大大同鐵面朱鬧左幾次，梁某咁祟拜董伯，家下青出於藍，董伯可以話老懷安慰
依家睇事情似乎向緊正確既方向發展，繼續加油
灣仔及中西區中學明天復課
大戶終結者, 已經停止沽空喇! 救咩?
大笨袋鼠, 我只是一個賠錢投機客!
// 連警方飯盒及水都要由佢地一盒盒接力傳送, 唔俾餐車通過, 呢個係乜野世界? 凈係呢種態度就知佢地腦囟(音筍)未生埋, 十零歲靚仔對香港未有任何貢獻, 錢都未識搵, 凈係識攤大手板問父母要零用錢 //
對不起! 可能係我用詞不當, 上文重點係用鐵馬攔住政總通道的中學生, 年紀輕輕, 對香港未有任何貢獻, 恃住學聯撐, 被權力慾望沖昏了頭腦, 態度囂張, 竟敢向警方咆吼, 發號司令, 我實在無法認同,
我唔係用一個人搵唔搵到錢去釐定有冇發言權, 學聯.學民思潮都可自由表達訴求, 睇下今日學聯發言人說話淡淡定定, 不卑不亢, 就不會惹人反感, 不過無論有甚麼理據, 大前題係不可阻住地球轉, 亦不應口口聲聲話代表民意, 香港普遍市民係反對以阻塞主要幹道.癱瘓香港來要脅中央
阿公阿婆退休搵唔到錢, 拎生果金天公地道, 因為佢地一生人為香港作出不少貢獻, 長輩的智慧與經驗亦值得後輩學習,
我住新界區, 近日在酒樓.街市.商場聽到不少聲音, 大多數係話佔中派騎劫左民意, 夾硬話代表香港市民, 就將香港搞到亂晒大籠, 街坊話反對癱瘓香港, 影響民生及經濟來脅逼政府, 佔中派玩大左仍不知進退,
特首辦外集會者宣布撤離
To: 小貓愛情觀
真正的民主或成功的民主制度，需要有質素的選民和政客。
梁啟超 在百多年前﹐觀察當年美國的華僑和中國民眾，寫了"新大陸遊記"，覺得中國不適合美國式民主因為中國人的習性，而最近香港人也出現這些陋習了。
有趣興可以聽這集節目，主要是11分30秒左右講梁啟超 在新大陸遊記裡主要的觀點
http://programme.rthk.hk/channel/radio/programme.php?name=radio1/People&d=2014-07-26&p=4819&e=269235&m=episode
大事可成
轉戴：
咪『呃鳩』人
v
多謝一位網友，告訴『呃鳩』的意思。
不斷有各種存心呃鳩人的謠言出現。說北京已經下令絕對不開槍，又說如果解放軍開槍，美國的空母就會開來。
是否要呃鳩哂D學生仔，要他們無懼槍彈，漠視法律，往死亡之路猛衝？
欺騙手法，是骯髒政治的無恥技俩。網上傳言，無監無管，更是謊言天下。自己有意見，又不敢署名，便胡亂编造，借他人英名，賣自己劣作。
中國人如想進步，這一陋習，非改不可。
因為，說謊會做成愚蠢。
不是被騙者的愚蠢，也非騙人者的愚蠢，而是整個文化的愚蠢。以黑為白，指鹿為馬，所輸入的全是错誤資料，你叫大腦方程式如何運作？
切莫說謊。先從自己做起，這就 是希望。
http://www.leechardasks.blogspot.hk/
化整為零
依家兄：對反對佢哋嘅人嚟講就覺得佢哋餐餐都錯，但係對佢哋波士嚟講，佢哋做到嘢噃。
說真的~我不要真普選了,我也不要民主了。
如果民主是這麼自私自利,
如果民主是對別人的犧牲如此麻木不仁,
如果民主這樣强逼,欺壓,非自願,⋯⋯
如果民主是這樣的雙重標準,
如果民主是如此多的欺騙謊言,
這種民主和暴君統治有什麼分別?
別再和我說,想要民主就要犧牲了,
說這些話的人,很自私,因為犧牲的是別人,爭取的是自己的理想,
這本質上和恐怖份子有什麼分別?
藍風兄，班高官既智囊正係在下最擔心，因為佢地餐餐都錯，民怨咁深就係佢地長期施政失敗所做成，希望如果真係要清場，警察係舉紅期之前加多遊說呢個step啦，最好搵靚女女警游說港男，機場特警游說港女，咁可能易少少
依家應該係有能之仕親身落去遊說既時候，唔係坐係冷氣房發聲明，擺下姿態就當做左野
梅姐如果係度，在下估佢可以拉動演藝界團結積極回應，依家冇大佬出聲，不過在下估華仔遲少少都會發聲明叫大家撤，不過都係果句，有誠意就黎現場啦
好似有網友話學生們錢都未識搵就阻頭阻勢，在下都覺得佔旺佔銅唔岩，但係用一個人搵唔搵到錢去否定一個人追求同講既野就有少少因人廢言，在下就唔太認同啦，幾十年後我地退晒休，到時係我地問依家既學生攞家用，如果到時我地有咩意見，比人鬧淨係識申手攞錢，就唔係咁開心啦