美元之危
香港佔中危局未解,上周五挾淡倉,大幅反彈,如今局面好似稍靜,個市可以繼續彈,但可以說「機中有危」,小心一到清場時,局面就變。
美股似港股,狂挾淡倉,絕地反攻。美股上周連跌四日後,周五也借利好經濟數據勁彈超過1%。杜指收復萬七點大關,全日上升209點,收報17010點;標普500指數漲22點至1968點;納指升45點至4476點。美股全個星期,仍然見紅,杜指跌0.6%,標普500指數及納指挫0.8%。
就業數據好是挾倉關鍵,美國9月非農就業人數增加24.8萬人,好過市場預期的22萬,並且將上月的非農就業人數上調至18萬,失業率則下降至5.9%,創了6年新低,係2008年以來首次跌破6%關口。
美國就業市場靚仔,投資者最關心嘅係聯儲局會否提前加息。Meridian Equity Partners高級常務理事科皮納(Jonathan Corpina)認為,昨日的數據未有強勁到聯儲局改變加息計劃的地步,巴克萊銀行則預計聯儲局會在明年6月加息,如果勞動市場加速改善,繼續好過聯儲局的預期,聯儲局最早或於明年3月加息。聯儲局幾時加息,人言言殊,但提前與否,相差約3個月,其實分別有限。所以市場對這些言論的反應已經不大。
而我覺得美元的持續強勢,更係值得包括香港的投資者關注的地方。美國就業數據公布後,歐元兌美元跌至2012年9月來的最低的1.2518美元兌1歐元,最新報1.2508美元,兌日圓升至兩日高位109.62日元;兌英鎊升上去年11月新高1.6美元,這也是我覺得市場有些變味的主要原因。
美元兌多隻主要貨幣的匯率已經連續上升了11個星期。上升的動力來自多方面結合,當中包括美國經濟轉強、外國經濟轉弱、聯儲局對貨幣政策態度轉向比較「鷹派」、美股表現強勁不衰等等,而更重要嘅係以上這些因素,未見有逆轉的跡象,預示美元強勢持續。
另一個支撐美元強勢嘅係地緣政治局勢日漸緊張,中東開火、烏克蘭停唔到火、歐洲國家獨立浪潮捲起,最近更加多個香港佔中。全球動蕩處處,美元成為主要避難所。美元強,對美國人而言,係好消息,特別係年近歲晚,又到銷售旺季,進口商品可以便宜一些,加上能源價格下跌,例如汽油,又會壓住通脹。
不過,如果美元轉強,特別係速度快、幅度大,對於自金融海嘯以來,依靠大量平價美元支撐起的全球經濟,將係一個災難。先講慣咗洗腳唔抹腳、經濟搞極都唔掂嘅歐元區國家,例如希臘、葡萄牙。呢幾年,全靠弱美元,加上熱錢泛濫,才能大幅推低資金借貸成本,勉強渡過債務危機。例如去年,葡萄牙嘅10年期國債息率便由6.8厘大幅下跌到3.1厘。歐洲經濟繼續無改善,歐元轉弱,推進一步推高美元,借貸成本又再飆升,當年仍未解決的歐債危險,又將上演。
至於新興市場國家,尤其是那些不從事金融改革、沒有競爭力的國家,之前好似好得,其實全靠借入熱錢頂住經濟。摩根士丹利表示,在過去10年,亞洲新興國家的總外債由3千億美元大幅跳升超過8倍至2.5萬億美元,當中大部份都係平價美元。全球跨國界的銀行貸款總額由4萬億美元跳至到10萬億美元,也有7萬億係美元。這個總數還未計入債券。據國基會(IMF)統計,單係聯儲局嘅量寛買債行動(QE),推了5千億美元到新興市場。無QE,就無呢筆錢流入。
依家美國經濟得、股市掂,美元強、利息升,資金將回流到美國搵食,再加一個聯儲局停止印新鈔票,擔心會出現信貸緊縮(credit crunch)。去年年中時曾經出現嘅新興市場經濟股市大災難,其實只係聯儲局宣布將會停止QE3的「片頭」(preview),隨住美元繼續上揚--利息及匯率不斷提高,新興市場經濟大地震的正場,才正式上演。到時中港股市勢必受到影響,大家執生。
陸羽仁
陸羽仁覆網友
Karl26:短炒捕捉短期波動,長少少的一年捉一個浪走勢便可,唔使次次買。佔中能否和平解決,是一個五五波的因素,咁對睇長的投資者就係太大風險。未有貨,唔使太急入,睇定啲佔中點樣都未遲,真係要買都宜小注。遲買未必平啲,可能貴啲,但風險少啲。
但換一個角度,有貨也不一定急急清,睇你個倉貨多唔多,特別係炒貨多唔多,若然成手貨,當中有不少有錢賺的貴貨炒貨,何妨趁反彈時沽啲貨減吓倉,以控制風險。
吾識炒: 而家係一半機會打到嚟,唔一定,無人敢包。我的建議主要係如何控制一半機會出事的風險,若你貨少,又主要係長線貨,又唔使急急腳沽,萬一衰咗收下息都無壞。
你個倉輸多的可以不郁,質素較好的也可以不郁,若想減倉郁減中廣核和儀征,價較高,希望若你沽完佢地再升唔好媽我。
陸sir, 早
想問一下405, 上星期五見到它是$3.96, 但無入貨, 一來因怕佔中的發展, 二來見就來加息,所以怕收租股會下跌.
但今天已見它企穩約$3.75. 如下次見到4.5下回至$3.7以下, 是否應入貨? 買它是因為它息高和穩陣, 但怕加息對它影響深遠.
另外, 請問2357(中航科工), 見它價位已上升了一些日子, 是否不應高追?我之前想買它,但見它衝破$5就不斷上, 所以不敢入.
謝謝指導
陸sir早晨,
昨日見到你答 little mo的感覺係有錢賺就要走, 平手都要離埸, 有打到黎的山雨欲來感覺, 唔知我有冇feel錯呢? 多謝陸sir你叫我地小心風險~
我都想請教一下陸sir我以下的組合可以如何處理
1.酷派@2.32, 8%倉
2.金活醫藥@2.79, 4%倉
3.暢捷通@15.54, 14%倉, 我唔知點解USB不停吸, 吸到已經2成多...
4.康達環保@3.66, 14%倉
5.中石化@7.37, 24%倉
6.儀征化纖@3.83, 6%倉
7. 中廣核美亞@1.71, 7%倉
另有405@3.95和2822@9.4以作收息之用, 希望陸sir指教,謝謝!
呀銀: 有時袋住先都岩既...
沽空三子之一動物兄已能買半間瘋山了....
用2球買165呎......
陸老師早晨:
嵐山II蚊型戶165呎 全港最細
較I期細近一成 售價料低於200萬
拆局
2014年10月07日
「佔中」行動係假期一度好緊張,尤其係學聯包圍政府總部當晚,大家都好驚警方會出動橡膠子彈鎮壓,好彩當晚不少中立人士出來疏導班學生哥情緒,包括兩大校長,結果有驚無險。過去兩日,社會情緒對係咪繼續佔領多區鬧市意見分歧,佔中陣營略為讓步,加上美國就業數據理想,上周五杜瓊斯指數勁升208點,港股先跌後升,收復250天牛熊分界線(23172點)收市。
清場有滬港通都唔掂
成個社會焦點落係佔中運動,投資市場都唔例外,昨日我上港台講起佔中因素,呢度不妨講多兩句拆吓局。呢次爆發的街頭抗爭,至今已經超過一個星期,?家大家估緊點收科,照牌面睇,不出兩個結局,一係示威群眾和平散去,危機暫時解決,未來再視乎政治局勢決定,咁個市就會反彈,發生呢個情況機會暫時當係五成啦;另一個就係清場,呢個情況出現都有不同手法,一個係有秩序和平清場,無人受傷,一個就係武力清場,做成好大震盪,個市難逃大插。
除政局以外,都有好多人關心若然要清場,咁中央會唔會叫停滬港通呢?呢樣我估同清場手法有好大關係,如果佔中傾唔掂數,要有秩序清場收科,因為唔知示威人士會唔會再嚟,阿爺好大機會做嘢,咁自由行,以至滬港通自然好大機會出招叫停;不過,萬一清場過程要硬手進行,搞出死傷兼國際嘩然,成個社會散晒,阿爺反而可能會繼續推滬港通,作為挺港措施。但係到時就算有滬港通,個市醫番都晒藥費矣。
按照呢個分析,重點唔係有無滬港通咁簡單,而係街頭抗爭究竟點樣收科。如果示威人士見好即收,中央對港政策大致不變,咁當然係上上大吉;換轉嚟講,若然係清場收尾,咁有無滬港通,個市都係手尾長,差別只係大衰抑或小衰而已!
個市炒反彈,恒生指數收報23315點,升番250點;國企指數收報10409點,升61點,成交由上周五的962億元,縮減至725.7億元,暫時個市仲要睇佔中發展,唔能夠太樂觀住。
藍籌股雖然普遍回勇,但論勢仲係軍工股呢排較好。憧憬四中全會政策出台對軍工股有利,相關股份受追捧。中航工業國際(232) 升7.60%,造0.85元;中航科工(2357) 彈4.19%,報5.97元;航天控股(031) 亦升6.42%,收報1.16元;中國航天萬源(1185) 漲3.09%,報1元。
香港電視(1137) 11月中將以OTT(Over-The-Top)方式,免費推出電視節目,股價勁升17.57%,報2.81元,傳統免費電視唔易做,好多人一早建議魔童不如搞網上電視啦,如果佢一早咁做就唔使燒咗幾億銀紙啦。
不過,?家佢迷途知返唔代表就踏上坦途,因為今時唔同往日,網上娛樂多咗咁多,要喺網上吸睛兼搶到廣告唔係咁易,估計股價興奮一輪,好大機會軟番落嚟,如果手頭上有呢隻股票,就算睇好佢都可以考慮放佢出嚟游吓水先。
另外,異動股力寶(226) 透露獲獨立第三方接洽售力寶華潤(156) 股權,今早齊復牌,股價獲炒上,力寶抽升10.19%,造4.65元;力寶華潤更狂升27.87%,造0.39元。力寶華潤係力寶同華潤兩個集團合作持有的股份,但大家近年各有各發展,喺咁嘅情況下,其實合作嘅需要已經唔係咁大,出售股權套現係合理安排,關鍵只係時間問題,通常呢類交易未必傾一次就成功,所以高追就無謂,如果股價回番,可以考慮買嚟放吓。
陸羽仁
2014-10-06
Dow Jones Industrial Average (^DJI)
16,991.91 17.78(0.10%) 4:29PM EDT
HAHAHAHAHAHA~
好淺白,好露骨,又好寫實
講咗成晚,反而最想講嘅差啲唔記得,袋鼠在袋鼠國忍受了五年以口號代表政策的政治,所以袋鼠好撚嬲現時嘅首相。同樣地,見到啲『愛國愛港』、『抗中亂港』、『打倒梁振英』之類嘅癈話,亦都激到氣咳。
今日看信報副刊專欄,原來星爺電影的智慧,已經早袋鼠成廿幾年,講出這種荒謬。
傳聞網上瘋傳星爺舊作《鹿鼎記》 嘅片斷,入面句對白,無論建制、泛民、佔中、反佔中,都真係好多地方都用得上:
陳近南:小寶,你係一個聰明人,我就可以用一個聰明嘅方法同你講。而出面嘅人就唔可以!
韋小寶:唔明!
陳近南:讀過書、同明事理嘅人,大多數都喺清廷裏面做緊官。所以,我哋要同清廷對抗,就只可以用一啲蠢啲嘅人。對付啲蠢嘅人,就絕對唔可以同佢講真說話,要用宗教形式嚟到催眠佢哋,令到佢哋覺得所做嘅嘢都係啱嘅,
所以『反清復明』只係一個口號,同『阿彌陀佛』其實係一樣。清朝一直欺壓我哋漢人,搶晒我哋啲銀兩同埋女人,所以我哋就要反清。
韋小寶:要反清嚟搶番啲錢同埋啲女,係咪呀,根本復唔復明就係多舊魚、關鬼事!得架嘞,大家聰明人,明白!繼續!
陳近南:總之如果成功嘅話,你就有無數嘅銀兩同埋女人,咁你願唔願意去?
韋小寶:願意!但係你頭先話九死一生嗰吓得人驚呀嘛!
TO:依家兄
RE:估計減自由行係佔中完左之後好可能會落實,依家深圳海關又收緊左出口香港既快件報關程序,相信習大大係睇到香港既根本問題:越放水比香港,民怨越深,矛盾越大,淨係益晒大媽沙,與其一邊放水一邊比你地香港人鬧,不如收水等香港黎求北京好過啦,唔係話吹捧習大大,睇佢調控大陸樓市真係有一手,唔聲唔聲從根源落藥,好過上一手淨係識猛谷類固醇好多喎
100%認同...佔領運動的結束方式推測也十分認同
袋鼠,,,
人民之所以支持民主,是因為可以制衡偏激的統治。
現在香港人實行ing的文革式民主,
已經到了不分對錯,不理死活,
不理別人死活也就算了,人都是自私的,
連自己人的生死都犧牲埋...民主不是最終目標
最終目標是生活改善,民主只是達到目標的道路而已,
現在為了築路而毀掉人民生活,是本末倒置呀!
唉...或者築路者覺得風險可控,值得投資,有值搏率吧,
但就强制別人借錢比佢一切賭,別人反抗唔比搶錢,就說是暴力,找警察拉人...
香港人幾時變得咁愚昧架?而且好多仲係主內弟兄姊妹...
5555....好難受...
老師講到好似北京已經火遮眼,再坐多幾日,解放軍就會開坦克黎屠城,屠完之後一國兩制玩完,香港自由民主從此消失,軍警大舉搜捕異見者,香港game over(唔知財爺既圍牆論係咪都係咁既意思?)在下對呢個睇法就唔太認同,因為如果下定決心要暴力清場,可以有好多方法,以暫時既發展睇,佔中阻人搵食,佔得幾個星期,必定積落大量民怨,好多人不滿,如果冇新野帶起佔中者團火,隨時間過去,佢地既士氣就會低落,再加埋社會壓力,到時只要搵一個少d人既時間,搵大量警察遂個搬走,動用唔高過美國警察搞惦佔領華爾街既武力,即可搞惦,佔中者中堅被捕,加上民心已變,想再吹雞佔領都好難,而且8964都佔左成兩個幾月先清場,以習大大既智慧,就算真係要開槍都搵香港警察開啦,何需動用解放軍呢?依家科技先進,一行出街成百上千既手機一齊拍片,用軍隊殺人百份之一百會比人影晒,到時賠上成個國家既形象,對台灣回歸,中國將來既國際發展戰略都有好大影響,習大大作為一國之君,在下覺得佢係鄧小平之後最有料既中國領域,香港既問題佢一定心裡有數,邊個係人邊個係鬼佢一清二楚,佢知道點樣做先乎合中國人同黨既利益既
不過在下同意老師話呢件事好可能係香港長遠經濟既分水嶺,2003年係一個turning point, 依家係第二個啦,估計減自由行係佔中完左之後好可能會落實,依家深圳海關又收緊左出口香港既快件報關程序,相信習大大係睇到香港既根本問題:越放水比香港,民怨越深,矛盾越大,淨係益晒大媽沙,與其一邊放水一邊比你地香港人鬧,不如收水等香港黎求北京好過啦,唔係話吹捧習大大,睇佢調控大陸樓市真係有一手,唔聲唔聲從根源落藥,好過上一手淨係識猛谷類固醇好多喎
啲弓箭手唔多比面獸人, 冇大力唱衰香港!
小貓,又唔使咁激,激到話不支持普選、民主 (除非本身立場一向都是這樣),佔中者使用手段嘅對錯,和他們爭取的訴求是否正確,是兩回事。
正如搵錢多數係啱嘅,只係睇吓手段啱唔啱嘅啫。
黃霑都唱 『偷呃拐騙箍頸打劫就話唔好啫,否則銀紙豈可不搵!』
人地攞條命去幫獸人爭取回報喎!係獸人既福氣...
SIGH
IG market...
天天看著不公平的事在身邊發生,心情很是憂鬱。
文革佔領運動的雙重標準,已經令我厭惡得麻木,
今天衝擊警方防守的市民生活防線,
明天在佔領區就躲在警方身後和平防守前來奪回自由的市民衝擊,
還毫不知恥地控訴警方不公平執法,不能阻擋市民的暴力衝擊,
電視和網上流傳的短片,又剪輯成只有市民暴力對待佔領者,
對佔領者同樣的暴力還擊卻隻字不提,
事實上佔領者的暴力還擊的確較少,以現場的長期觀察,比例約1比10,
但這些和平的佔領者,是躲在警察的身後,所以才能如此地和平,
而市民的暴力衝擊,是以犯法的風險來表達本身的訴求,
這本質上和這些文革佔領運動的人,有什麼差別呢?
而且以人數上,暴力反抗的市民,加上和平反抗的市民,數量遠遠多於防守的佔領者,
若不是依靠警方的"不公平執法"和保護,要守住旺角佔領區根本是不可能。
佔領者還能天天在電視上無恥地控訴警方...真是看得令人憤怒到一個地步...麻木了...
我不支持民主了,也不支持真普選了,起碼不再對這種文革式的民主有任何支持,
無恥,無正義,充滿虛偽和自私的民主,這不是民主,只是文革的香港版而已。
//
人地攞條命去幫我地啲細路爭取真普選喎!係我地既福氣...
//
SIGH...
藍風,可能係李氏力場發功,巴蓬唔嚟,黃蜂都轉向!
cream姐,
得閒就算唔留言,都留條links啦!
見係妳問到,就落多啲袋鼠口水啦!
袋鼠國啲住宅樓價升得幾快,幅度無留意,但袋鼠央行昅得好實。其中最擔心嘅係多咗推廣投資住宅活動,當中涉及不少有利益衝突嘅回佣,例如會計師或財務顧問,推薦客戶成立自管強積金,再借錢按大,投資在會俾回佣嘅發展商嘅住宅物業。當然,亦有不少大陸錢入市,攪到政府考慮立法/或已經立法限購。
不過又咁講,谷起個泡係一回事,係咪咁快爆又唔似 - 記唔記得袋鼠三年前媽义啲自稱有百萬讀者嘅投資專欄作者,亂評鼠國樓市?反而獸人成日sigh個2018有啲似模似樣 (即係可能在16-17年開始爆?雖然獸人係講香港)
至於袋鼠國嘅寫字樓及零售嘅商業樓,尤其是東岸省及西澳,因為比礦業投資潮,有滯後,而家礦業投資下降,可出租面積將大幅增加,卻因為荷蘭病所引致製造業失業,有供過於求之勢。
樓價上升,加失業率上升趨勢,唔係好嘢。廿多年前日本仔來鼠國玩嘢,今時今日係大陸土豪嚟玩嘢,真係好似會歷史重演。
由於澳元長時間高企,加上外資流入,袋鼠央行將利息調到歷史低位的2.5%。低息刺激好多小投資者入住宅樓市,但加息又會刺激澳元影響實體經濟,袋鼠央行左右為難。
這個月美元強勢,雖然撤資令股市大插 (because of carry trade unwind?),但央行睇經濟為主,暫時可以鬆一口氣。唔知我離澳期間,有無開始執行宏觀風險管理(macro-prudential policies 即係好似限按揭比率,加印花稅之類)
至於匯價,與其睇澳元本身因素,不如睇美元強勢才是王道。
Bro.CHairman CAT...
What is the HSI level for 企唔穩 in your system???
SIGH...
普遍香港人的質素都在下降中
早晚會被大陸超過
佔中發生後果
中央勢必削減給香港的好處
全力打造 前海區 取代香港的位置
到時香港樓宇就唔使咁貴 了噢!
冤有頭.債有主.應該去人大或中聯辦占據.去叫張德江辭職.為什麼占香港的馬路.他們真欺善怕惡.
還有的是全部人都叫相方要對話.真不明相方立㘯底缐天天在大氣不斷說.還對什麼話.真自覺低能.誰來教我
達摩的撈底貨 今日已沽出九成 噢!
只有微利 呢噢!
達摩的投資組合 要減少港股的比重
達摩要減少在香港的投資 呢噢!
伯仁:
你係幾時返黎架 噢?
animal666, 我系統無 rebounce
已企穩! 現在是多頭噢!
大笨前輩您好!澳洲樓價一樣高?
最近香港亂過亂世佳人。假普選引發學運,為公義佔領金鐘、中環、銅鑼灣、旺角。反佔中藍帶衛兵出動非禮、暴力。反佔中人向利益看,見仁見智。
一個爭拗,後遺症只傷害到平民……
http://creamli07.mysinablog.com/index.php?op=ArticleListing&postCategoryId=383259
如小妹資料有誤,大家可發文指正。
有文、有相、有片,大家慢慢睇了。
打擾晒。
祝大家股市炒賣搵多d。
Bro.CHairman CAT...
What is the target of rebounce???
SIGH...
大戶終結者, 主席得 一個!
依家兄,袋鼠就比較以體諒689嘅處境,我覺得繼催淚彈之後,學聯升級行動觸動阿爺敏感神經,689接聖旨應該都接到腳軟,只係可以面不改容地在電視讀聖旨。
我相信這幾日,的確有一個honest broker/高人指點,給學聯領導建議。他們也提及過有一個第三者參與。或者十零廿年後會多啲故仔攞出嚟講。
袋鼠兄,
觀察689既安排,令人懷疑689其實唔想拆佔中呢個炸彈,相反,佔中越亂越好
689最想連任,如果佔中一發不可收拾,普選被拉倒,最大受益人就係689,因為冇普選佢連任機會係最高
如果有普選,689就要打低佢眼前最大對手-林鄭,所以搵林鄭推普選,搵林鄭去同學聯傾,但係又派劉光華去,出愛港力幫旺角示威者“打氣”,見旺角人唔夠就上電視話要清旺角場“即係緊急呼籲佔中支持者返旺角防守”
由928催淚彈事件開始,正苦都好似故意行錯棋咁,在下之前成日話係完美風暴,諗返轉頭,邊有咁巧合?會唔會一切只係689用黎保證連任既一個局?
如果係,就可以排除開槍既可能啦
依家兄,袋鼠估計各佔地嘅中堅份子並不多,每晚集會多的是以聲援及路過湊熱鬧瀏覽者,所以見到每朝早人丁單薄。老實講,如果唔係第一晚就發催淚彈,可能先發通碟讓聲援及圍觀者離場,之後直接用警察和平抬人清場 - 跟住不落案48小時後放人。
袋鼠估計,佔中策劃者,原本以為警察抬人是戲肉 (沒有催淚彈,頂多可能只有幾千人),點知攪到而家日日精彩,抬人環節完全係拍馬都比唔上。
唔知係好事定係壞事,那班鐵血戰士將會是未來社會運動嘅中堅,長毛及癲狗唔退休都可以收爹。
不過如果有鍊乙錚咁樂觀,要遍地開花的,袋鼠覺得不是示威者的據點,而是後生一輩對社會事務的思考。
依家兄,雖然袋鼠唔同意整個行動,但以事論事,如你所說,那班捱過催淚彈及街頭火拼的香港人,的確有維持整個運動的堅持及感情;然而若要長期進行,的確要為其他的市民著,及著意避免再觸弄一些不可越過的政治底線。
但所謂長期,奧巴馬訪華之日,依然是死線。
以政改作為談判的唯一議題,要更改人大決定已無可能,大慨唯一可做,是承諾在其他階段爭取… 信唔過都只有收貨,因為特區政府都已經被打到跛腳鴨,只有畀阿爺牽住走。
不過好搵唔搵,政府搵個與高登仔共不戴天嘅劉江華去傾,真係有啲攞嚟攪。
人蠢真係無藥醫
【18時53分消息】特首梁振英再次發表錄影講話,高度關注並強烈譴責旺角持續發生佔中人士和其他群眾衝突,造成多名警務人員、新聞工作者等受傷。他說現時旺角再有人群集結,持強烈不同意見的人士衝突的機會不斷增加,為防止暴力罪案,減少人命傷亡,警方會在適當時候採取行動,特別勸喻在場學生和旁觀者盡快離開。
袋鼠兄,
如果在下係689,或者保安局長,要罷平旺角班鐵血戰士其實唔難
旺角之所以士氣高漲,係因為不停有人去挑釁佢地,比人打,非禮,口角,佢地都一一克服過去,咁可能同愛港力動員黑幫,同警察有意無意放任有關
想減弱旺角佔中者既士氣,方法應該係岩岩相反,警察應該包圍住佔領區,全力保護示威人仕,唔比反佔中者靠近,佔中者想要物資就比佢,對示威者態度要超級有禮貌,但就圍住佢地等佢地乾坐,乾坐兩日又冇人挑釁,到時就乜士氣都冇啦,再等埋民意逆轉,和平收覆旺角不遠矣
袋鼠覺得,那通往政總的兩米闊通道,救了香港!
今日政府全體職員返到工,政府運作沒有癱瘓;香港絕對沒有人要求特首下台,支持行政長官施政;香港有民眾集會,沒有任何形式革命,人民依然愛國愛港;馬已經照跑,工照返,學照上,路照塞*,股市照開,一切如常。
假如上一段係打俾阿爺嘅報告,唔好嘈啲細節嘞,唔好多咀解釋例如打*的那一句… 或者索性精簡一點,只留最後四字作報告… 附加CCTV可播放嘅官民握手片段。(可以過渡週末,多謝便是了。)
現在似乎買多了一點時間,時限上,袋鼠政府和學聯,最好在奧巴馬訪華之前,完成任何形式嘅妥協。而家和底線只有兩米距離,但係阿爺在中美峰會前可能會忍多一吓。
過左琴晚,似乎開槍震壓既機會又少左,其實當年64學生都佔左天安門兩個月先清場,香港佔一個星期就清既話又講唔過去,不過都算一個好消息,起碼暫時唔流流血先
在下親身去過金鐘,發現封鎖範圍遠比實際需要大,唔知思歪係咪特登,但可 以肯定,咁落去佔中者將會犯眾憎,當日警察放催淚彈結果民意輸晒,依家學生生人霸死地,朝早得果幾百人,竟然封晒金鐘道來回+干諾道中來回+電車路,實在講唔通,遲d電台,電視報紙一面倒鬧學生自私,學生失左民意就好難再同政府講數
佔中人士如果想抗爭落去,應該大幅削減佔領規模,去球場又好公園又好,最多留係政總附近,只要保持到人氣,就可以繼續比到壓力正苦要求對話,但係示威者當中有唔少人經過一星期既戰鬥,捱過催淚彈又比愛港力打過,已經對活動有感情,唔係話撤就撤,如果長期唔撤,到民意一面倒既時候自行消失,就連同政府傾既籌碼都冇埋啦
bud, 我都賣左部份, 又係沽升!
ALL OR NOTHING.....
好一個賭的決心...
敬佩
Bro.
未離場...
All or nothing...
SIGH...
以我觀察陸SIR呢段日子的文章,
我的理解是現在股市的風險相當不可控,
方向難以預知,
現在追沽或追CALL都係賭。
我自己是寧可錯過,不要犯錯的了。
噢...突然要開會....
沽空三子行動如下:
前主席大人: 已離場, 預期大戶先食好友, 再挾淡友. 未知多汁, 定少汁.
TC主席大人: 已離場, 汁左8皮7, 睇定少少先.
動物兄: 未知是否已離場. 先汁1球, sign....
欲知后事如何, 明天請早......
如果在過去幾天,在旺角看得足夠時間,
就會發現穿黑衣的年輕佔領者,一樣用武力。
當然,比例上少很多,與反對者比例1:10吧,
大多數支持佔領者是和平的,而且會拉住武力的同志。
但這不能說,佔領者就全是和平。
更與大家流傳的短片內容有很大的差別,
為何大家只拍到反對者動手呢?支持者的武力影片為何這麼少?
還有一點,佔領者之所以可以和平,是因為在防守。
前題是先暴力地佔領後,才和平的防守。
就像排隊"打尖"後,把位置讓給別人,
獲得"打尖"位置的接手人,即使再和平,也是接賊贓,
不能因此就把位置正當化。
現在勸說不走,責備不走,
連警察也疪護霸佔者的設備,
這對受傷害者,是多麼的不公平,大家能承認嗎?
如果不能實現公義。
也不能因此不容許受害者奪回公平的權利。
但絕少有支持者能客觀地承認這點,(即使是基督徒)
這從根本上就是不誠實了。
無論如何,都希望結果大家能平平安安地生活下去吧。
陸Sir,壹照明8222今天特發盈警,是否應沽出?
bud兄:動物兄先肥死~ 睇定啲先!
TC: 肥死你啦... 幾時再沽過?
一平倉就爆升...咁鬼正 (☆_☆)